آلَشُقُةّ آلَمًسِکْوٌنِةّ «8» «الحفلة»
بًقُلَمً مًحًمًدٍ بًشُريَ "αℓ-fαяєєɒ Вυsняяα"
طيب ياشيخ انت كنت بتضرب بالسبحة كنت بتضرب شنو بالظبط عشان احنا كنا ما شايفين اي حاجة 😸 كنت بضرب في الجن 👹 وشايفو كيف لكن احنا ماشايفنو 😟 انتو ما بتشوفوهو انا بس بشوفو لانو سمح لي بكدا عشان يخوفني وكان كل مرة بظهر بشكل مختلف عشان كدا بضربو كل مرة..! مرة علي شكل اسد مرة علي شكل كلب 🐶 مرة ذئب 🐺 مرة نمر 🐅 مرة افعي وكل ما يظهر بشكل بضربو بالسبحة لمن غلبتو والقرءان حرقو ولما حسا انو حيموت من القرءان استسلم 👌 ايوا انا احترتا قلتا الشيخ دا بضرب في شنو اصلو قاعد اعاين واعاين ماشايف اي شي 😂 الجن ما بتقدر تشوفو الا اذا ظهر ليك وسمح ليك انك تشوفو بس زي ماقلتا ليكم اتحصنو وما بتجيكم حاجة ان شاء الله ☝ تمام ياشيخ وشكرا ليك اتفضل افطر معانا واشرب ليك شاي بعداك امشي ياشيخ 🧔 لا خلوها مرة تانية ان شاء الله ♥ مازن مسكو من يدو لا لا ما مرة تانية هسي دي ياشيخ وأكلنا زاتو هسي بجهز ان شاء الله.. طوالي حسام مشي جاب فول وبيض وطعمية وصوابع "بطاطس محمرة" وظبط الطقة دسيس وفطرو وسقو الشيخ شاي ساموطي ياخ لمن اتكيف وبعداك ودعهم وفات وقبل ما يمشي خلي ليهم باقة فيها موية حقت رقية يشرب منها نيجيري 🥛 طبعا نيجيري ما متذكر الا لمن دخل الحمام 🚽وكشح الموية تاني مبخر اي حاجة ولمن حكو ليهو عمايلو قعد ينكر ويضحك😸 فجأة كدا عيونو بقو كبار وسكت زي الصنم بقي اتاريهو البت الشافها في الحمام ديك هسي شايفها قدامو وقاعدة تبتسم ليهو لمن بلع ريقو 🤭 وبقي مركز معاها شديد حسام بنادي عليهو ولا كانو معاهو فجأة حسام خبطو ليك كف لمن اتخلع والساعة اليطير ليك حسام فوق ويخبط السرير لمن السرير انكسر الجماعة كلهم اتخلعو ونيجيري متابع بذهول عجيب 😸😸🤭 والبت كانت عايزة تضربو تاني بس نيجيري وقف فوق وقال ليها للللااااااا خليهو ☹️ الجماعة كلهم بقو عاملين كدة 😰😱😱😱😢 مهيد دا لمن بقي يتمتم 🤭 ومازن ومهدي فاتحين خشومهم متر 😲 البت فعلا خلتو واختفت من قدام نيجيري طبعا ماف زول شايفا غيرو حسام طوالي عاين لنيجيري وقال ليهو هو يا اخينا انت الحاصل شنو دي المرة التانية يحصل معاي كدا الجماعة كلهم بقو كدا 😱😰😢 مهيد ياحسام ياخ ماتخوفنا دا كلام شنو البتقولو دا 😱 دي الحقيقة كل ما اضرب البني ادم دا في زول بضربني ماعارفو منو ☹️ دي البت الكانت واقفة هنا دي هي الضربتك هسي والمرة الفاتت 😐 مهدي: بت شنو يازول انت جنيت ولا شنو 😸 ما حتصدقوني عارف انا بس حتشوفوها لمن تظهر تاني ☹️ ههههههه نشوف يامعلم مع اني ما مصدق كلامك ده كيف بت وكيف انت تشوفا واحنا لا كلامك دا ما بخش العقل 😉 ابقي قدر كلام دا بعدين يا مهدي 😏 ما تتكبكب لمن تشوفا 😏 كويس 😀 يا مهدي الزول دا كلامو صاح انا مصدقو هسي كل الحصل معانا دا انت متوقعو اصلا يحصل معانا 😒 لا يامهيد 👆 اذن اتوقع اي حاجة من اي زول ولمن تشوف بعينك حتقتنع لانو كلامك دا بعدين ببقي ليك بني 😼 الله يحينا لبعدين يا اخوي 😇 قاعدين في ونستنا ديك كان نسمع ليك صوت حفلة والشقة كلها اتهزت والصوت كل شوية ماشي زايد 😰😢😲 مهدي: ياناس ماف زول ساكن معانا في العمارة دي صاح.؟كلهم بصوت واحد اي طيب الحفلة دي وين وعند منو ..؟ 😢 مهيد 😸 مهيد ما تضحك ياخ ☹️ مش انت ما مقتنع يبقي امشي شوفا واقتنع بنفسك 😏🤭 منو يمشي انا..! والله كان جا الجيش ما ماشي شبر من هنا 😱 هههه 😸 ما قلتا توم والتوم ما بخاف من حاجة 😁😁 نيجيري: انا حامشي اشوفا 😉 مهيد ومهند وحسام ومازن 🙄😲 كلهم بصوت واحد انت مجنون صاح 😱😱 لا الماشي معاي يجي والماجاي خليه ف مكانو 😇 ماف زول قلبو قوي عايز يمشي معاي كلكم ناس هرشات ساي 😸 انا بمشي معاك ياصحبي بس انت حتضيعنا يا نيجيري 😢 ما بتحصل ليك الحبة يا حسام ارح بس 😇😸ومشينا كانت في الدور التالت ولقينا الباب فاتح ولقينا... 😲🙄🙄🙄😱
....... يتبع
ليست هناك تعليقات
إرسال تعليق