خيانة زوجة «11»

خيانة زوجه «11» الاخيرة

بقلم سلوى اسماعيل 

حمدت الله انو خلاااص محمود مابقدر اوصل لي عناد وحلفت مااتكلم معاهو تاتي ..

فتحت واتسابي لقيت فعلا لقانا داك وانو كان ماسك يدي 

وانا كنت خاته يدي في كتفو وبنتصور بي تلفونو وتلفوني 😭😭 دي مصيبة شنو دي الوقعت فيها انا دي 😥💔

بقيت مضطررره الاقي محمود عشان اوقف عواليقو دي

لكن ماعارفه حاسه نفسي ح امشي للموت بي رجليني😥💔

غايتو اتوكلت على الله وقلت ليهو ح الاقيك بكره ...

حددنا مكان واتفقنا عليهو ..

وقلبي كان ح يطلع 😭

في نفس اليوم عماد قال لي في مشكله في الشغل انا ح امشي احجز اليوم وبعد يومين مسافر عملت نفسي زعلاااانه وليييه وانت متين جيت وبتاع💔😳

قال لي معليش بعوضكم ان شاء الله ..

كلمت محمود وقلت ليهو اصبر لي ٣ ايام بس وتاني 

بلاقيهو كل يوم ..

وكان كل همي اخلي عماد اسافر واتصرف مع الزفت محمود

وبلاويهو 😡..

ستفت ليهو شنطتو وبقيت بتونس معاهو طلع وجا راجع ..

وكان مبسوووط وقال لي عندي ليكي مفاجأه ..

قلت ليهو شنو هي🥰.. قال لي ح تعرفيها في وقتها ..

واليومين ديل انا عديتم احلى يومين مع عماد 🙈 ..

وشال شنطتو وطلع ..

انا في نفس اللحظه عملت الميكب ولبست وطلعت ..

لاقتني رغد ويييين ماشه ؟؟؟

قلت ليها مشوار مهم وجايه❤..

قالت لي خلي لي ابمفتاح طلعتو ليها ومشيت .. لاقيت محمود قال لي اتفضلي دي الشقه ودخلت معاهو 

من بدايتا بدا يستفذني وطلع لي التلفون واللابتوب 

وقال لي انا عامل ١٠ نسخ في اللابتوب من التلفون ..

قلت ليهو وليه ماعملت نسخ تانيه 🤨

قال لي مابحتاج ديل كفايه 😂😂👏🔥

قلت ليهو تمام قفل الشقه وشال المفتاح وقال لي انا ماشي الحمام وجاي القاك جهزتي حالك 😉

قلت ليهو تمام وخلى التلفون واللابتوب في التربيزه..

دخلتو كده شلتهم ومشيت المطبخ القي الشقه لقيت السكين اول حاجه كسرت شاشة اللابتو ونتفت الكيبات والسلوك القابلوني قطعتهم ولقيت فيهو فلاش فيهو زاكره قرمشتها سممممممح بعد بقت مامفهومه زاتا شنو ..

وجيت للتلفون كسرت الشاشه وقسمتو النص النص والزاكره والشرايح كسرتهم كسيير الجن 😡

ود كلو مافشاني فيهو ..

الجرس سمعتو دق محمود جا وفتح الباب بتكلم مع بتاع التوصيل شكلو طلب اكل 

مع فتحت الباب انا خطفت شنطتي ولزيتو لمن وقع وجرررري نزلت انا ماعارفه كيف نزلت من الطابق التالت 💣🔥

وجرررري وللظلط وقفت ركشه ورجعت البيت قلبي ده بدق بي طريقه ماعاديه فتحت الباب لقيت عماد قااااعد وشكلو مباااالغه كانو قايم من قبر انا خلااااص كرعيني بردن 😥

عماااد مالك وكيف جيت مش كنت مسافر😳

قال لي نهله لييييه عملتي كده ؟؟💔

قلت ليهو عملت شنو 😳..

قال لي انا شفتك بي عيني ماجابو لي لمن نزلتي انا كنت بحضر ليكي في مفاجأه لأنو السفر بطلتو المشكله اتحلت😥

شفتك ركبتي معاهو ولحدي مانزلتو في الشقه وانتي بتضحكي انا ماقدرت الحقك 😭 لأني ماكنت مصدق وجيت غرفة بتي الفي الباب وكنت منهار بدون اشعر بقيت افتش 

وعارفه لقيت شنوو 😭😭😭

لقيت الهدايه دي والرسايل والحب ده كلو وانتي بتغشي فيني 😭 وانا التعبان وشقيان ونفسي مابديها حقها عشان انتي وبتك تعيشو اميرات😭

بقطع من لحمي عشان تاكلو انتو 💔 انتي طلقاااانه يانهله طلقاااانه وحرمانه علي مدة ماانا حي 😭😭😭

وعارفه ليه مالحقتك ولا فضحتك .. ؟؟؟

لانو انا ماداير اشوفك في وضع ماياهو لاني متأكد ح اقتلكم الاتنين بس فضلت اقنع منك 💔

وانتي مابتستاهلي اصلا انا اضيع عمري عشانك ولا اخرب سمعة بتي عشانا ..

المهم هسي لمي حاجتك ح اوديكي بيت ابوكي وماتخافي الحصل ده ح يفضل سر بينا 💔😥

وبتي تفضل معاي مامستعد اضيعا واخليها مع ام زيك ..

دايره اشرح ليهو ..

قال لي ولااا حرف نحن اجانب يااخت ..👋..

 شلت حاجاتي ومشيت بيتنا 😥💔

انا تعبت اكتر من عماد وعرفت انا قدر شنو ضيعت راجل مابتعوض 😭😭😭😭

ولسه مافي زول عرف سبب طلاقي ..

وبتي سافرت مع ابوها وعماد اتزوج وبتي كل فتره بتتصل لي بي تلفون ابوها 😭😭😭

ومحمود اختفى وانا اصلا مادايره اعرف عنو حاجه😭😭

اتبسطت اني نهيت اي شي كان بهددني بيه 

لكن من جواي مامرتاحه💔😭😭😭

وانا السبب في ضياع بيتي وبتي انا السبب😭💔

..

..

تمت بحمد الله ❤

..... ........ .... ........ ..........

خلاصه💔

ياجماعه علييييكم الله الراجل البتحسي نفسك مامرتاحه معاهو صارحيهو وشوفي الغلط وين وصلحو 😥

اكييييد ح توصلو لي حل ..

مالقيتو حل اطلقو بي سترتكم احسن لكن علييييكم الله متخونو 💔

ومادايما بتلقي الراجل البسترك وبتحل عنك بي ستر..

كتيرم بفضحوكي وببشعو بيكي 💔

الخيانه ياما ضيعت بيوت وياما دمرت سمعة ابو عمتو اكبر من عش الطير واولاد كانو بفتخرو بي نفسهم اتكسرو بخيانة امهاتم والزمن مابرحم 💔

والناس مابتغفر ..

والقصد من القصه العظه والعبره

...... ....... ........ ........ ....... .........

نتلاقى في رواية جديده ان شاء الله ❤

والف شكر للمبدعة «سلوى اسماعيل»