خيانة زوجة «1» ❤

 

خيانة زوجة «1»

الجزء الأول❤

الكاتبة سلوى اسماعيل 

الرواية تلبية لطلب واحدة من الاعضاء الفي القروب وحتنزل ليكم الرواية زي ما بنزل ليكم باقي الروايات باذن الله كل يوم حلقتين 

.......

من افظع الحاجات البتحصل 🤮...

شييينه شييينه شديد من ناحيه اخلاقيه ودينيه وكلوووو ..

الراجل بخون ومابتأثر عارفين ليه طبعا ..

مالانو مفروض اخون لكن ابسط شي المجتمع بقول ليك محلل ليه اربعه🙄.. وفي اي لحظه يتزوج فيك ..

وانتي محللين ليك كم🙂..

وكلامي ده مامعناه بأيدم على الخيانه ااابداااا ..

لكن انت ك زوج متزوج عجبتك بت ناس صونا واتزوجا مش افضل من الحرام ..كامل التضامن مع الزوجه الأولى ❤

لكن يتزوج فيك عديييل ولا يحرق قلبك بالخيانه كل يوم مع وحده وينقل ليك مرض 🙄..

والعرب بقولو ..

(كتلووك ولا جوك جوك ) ..🔥

وفي كميه من الأسباب بتخلي الزوجه تفكر في غير زوجها 😥.. بس للأسف كلها ماتعتبر اسباب شرعيه لانو ربنا شرع ليك الطلاق والخلع لمصلحتك مامرتاحه معاه كلميه واطلقو ماطلقك اخلعيه وانتهينا👏 افضل ليكم ولينا نحن والله🙄👏..

تعالو مع بعض نشووف القصه دي ❤

انا نهله .. 

كنت بحب محمود من زمن الجامعه 💔.. بس للأسف هو خاين وكل يوم مع وحده وانا عارفه لكن مقادره اخليه 

قلبي ماعارفه اعمل ليه شنو ..

بعد كل مشكله بلقى نفسي سامحتو زي الماحصل شي 😥..

وماقادره ابعد عنه مهما حصل ..

جربت كتيييير وماقدرت بقيت مدمنه عدييييل 

وهو زاتو عارفني عشان كده مستمر في عمايلو دي 

وولا شقلتو فيني 😥💔

يوم جيرانا عندهم ولدم حليوه كده جا من السعوديه 

اسمو عماد ظريف لاقيتو في الشارع وانا ماشه ع الجامعه ..

واختو معاي اسمها رغد وعارفه قصتي مع محمود 🖤

المهم اشرت لي وكانت راكبه ورا ..

قالت لي اركبي قدام ورا في شنطه كبيره😍..

ركبت وبالشارع اتونست معاهم ..

وعماد ظرييف شديد ..

نزل جاب لينا شكلاتات انا ورغد ..

ورغد ماعارفه لكن شايفاها مبسوطه شديد باين عليها..

نزلنا ودخلنا الجامعه والشارع ونحن داخلين قبل المحاااضره..

بس تحكي عن عماد اخوها..

قلت ليها صرعتينا بي عماد اخوك اتقول دايره اعرسو بتشكري فيهو كده😂😂

قالت لي ومااالو بستاهلك وبتستاهليهو 😂😂🥰

قلت ليها يابت انا غير محمود مابعرس 👏🙄..

قالت لي ..

عايني يانهله يمكن اكون مااختصاصي ..

لكن صدقيني انا شايفه فيكي خير وحابه انغذك الولد ده ماشبهك ولا دايرك والجامعه كلها عارفه وشلتك ضاحكه عليكي 👏.. وده ماولد عرس زول لعب يوم يومين ويشوف غيرك وتندمي انتي وماتضيعي عمرك عشانو مابستاهل

وحتى لو اتزوجك ح يوجع قلبك بي نسوانو الكتار دول ولو اتحملتي هسي بعدين ماح تتحملي🔥

وكلامي عن عماد ماصدفه انا دايراك ليه فكري واديني خبر 😘..

مشت وخلتني ..

ماعارفه ليه لكن كرهتها كرهتها لدرجة اتمنيت اقتلا في اللحظه دي كيييبف تفكر كده في محمود😡

راجعت نفسي لقيت كلاما منطقي شديد وصح في نفس الوقت 😥..

بس انا مابتزوج غير محمود حتى لو اموت ..

يتبع٠٠

صلوا على النبي محمداً ❤