آلَشُقُةّ_آلَمًسِکْوٌنِةّ (2)
آلَحًلَقُةّ ~ «10»
بًقُلَمً مًحًمًدٍ بًشُريَ "αℓ-fαяєєɒ Вυsняяα"
الشوكير في اللحظة الاخيرة انتبه للحربة الموجهه قصاد نيجيري والحربة اندفعت بكل قوة تجاهو وماكان عندو زمن انو يحذرو فعلي طول وقف بين الحربة وبين نيجيري والحربة اخترقت صدرو ودخلت في قلبو وطلعت م̷ـــِْن ضهرو واصابت كتف نيجيري الشمال وخلت كل الموجودين في زهول تام وعلي طول كرواس قعد يضحك ومبسوط انو اتخلص من الشوكير و نيجيري الاتنين سوا بي ضربه واحده ميارخ طبعا اتجننت جن ما بعدو جن وعلي طول اتحولت وطلعت سيفا وقسمت القفص نصين بضربة واحدة دمرت حتي الاعمدة الساندة سقف القصر الوري القفص وخلت كراوس كل نص في قفص براهو وعيقم علي طول فرد جناحينو وسحب الحربة وخطف نيجيري والشوكير وما طلع بالباب لا لا دمر السقف كامل وطار بي الاتنين لي اختو ميارخ باقصي سرعة ووراهو ميارخ علي طول والضحضاح بنفسو وطارخ ويارخ ودعبل وخلو الباقين في زهولهم لسة وما تمت ٣ دقايق ووصل عيقم لانو اتحرك قبلهم وبعديهو ميارخ وعلي طول بدو يعالجوهم ولمن اتفقدو الشوكير كان مع الاسف ما فيهو نبض وبكدا اعلنو انو استشهد لانو الحربة جات في القلب علي طول اذا ما كان عندو زمن بس نيجيري لسة فيهو نبض بس ضعيف طوالي دخلوهو حجرة الشفاء وحجرة الشفاء دي فيها حوض فيهو مادة لزجة لزوجتا خفيفة لونا ابيض اخترعتها الطبيبة ميارخ بتعالج اي حاجة اي مرض طوالي دخلو ليها نيجيري وعيقم دا الخبر نزل عليهو زي الصاقعة قعد يبكي باعلي حسو علي الشوكير بالرغم من الفعايل الكان بعملا بس كان ود اخوهو وود الاخ غالي والضحضاح لمن وصل ومعاهو طارخ ويارخ ودعبل ودعبل دا لمن عرف ولدو قرب يجن كمان لانو الامير البكر ليهو والضحضاح اتأثر شديد بس كان متماسك نيجيري دخل في غيبوبة طبعا حوض الشفاء دا هو زاتو بدخلك في غيبوبة عشان ما تتحرك والعلاج يكتمل فغيبوبة نيجيري كان تلاتة يوم كاملات وميارخ شبر من جمبو ما اتحركت وكان اخوها يارخ وعيقم بيمشو وبجوها والمملكة حزنت اربعة يوم علي الشوكير..😭 «"وانتو هسي زاتكم حزنتو عليهو صاح 🤭 انا زاتي حزنت عليهو الصراحة كان شرير ياخ في البداية بس هسي بقي طيب ياخ 😔" خلاص هاكم مناديل "» ونيجيري لمن فاق كان في عصر اليوم التالت وكان بي صحة جيدة واتعافي بشكل كامل حتي الجرح الفي كتفو ما ليهو اي اثر ولمن عرف بالحاصل حزن شديد واتاثر ودموعو لا اراديا نزلت وطوالي قال لميارخ وديني قصر الزمرد ميارخ طوالي شالتو في ضهرا وطارت بيهو وقابل دعبل اول حاجة وعزاهو وكان دعبل زي الميت الحي وكانو جسد بدون روح ما برد لي زول ولا بتكلم مع زول اصلا الصراحة الشوكير حزنت عليهو المملكة كامبة وتتوالي الصدمات علي الضحضاح فبعد 5 يوم كمان مات دعبل والد الشوكير بالحزن علي ولدو وبكدا الضحضاح كانت بالنسبة حارة شديد اول حاجة واحد من فرسانو وحفيدو في نفس الوكت وبعديهو ولدو البكر وكمان ولدو كراوس بالرغم من انو هو السبب في كل المصايب دي بس كمان قلب الاب بيسامح و والدينك ديل مهما عملت ياجماعة واذيتهم بيظلو والدينك ولو العالم كلو وقف ضدك هم بيكونو سندك الاول والاخير بعد ربنا فكان الموضوع صعب شديد علي الحاكم واتوالت ايام الحزن في المملكة واستمرت اسبوع كامل ونيجيري وقف معاهم وما فارقهم لمن عيقم قال ليهو انت عريس وما بيصح كدا لكن هو رفض يمشي 😔....
نرجع لاهل نيجري شوية ونطلعكم من جو الحزن دا عشان انا زاتي بعد شوية ممكن اخش في الحداد معاهم 🥺
طبعا عيقم بني لي نيجري بيت عقد عادي ما عمارة ولا يحزنون بيت واسع ركز الغرف في النص وعمل حوشين حوش ف مدخل الباب للضيوف وحوش تاني خلف الغرف للحريم وزيارات الحريم وعمل ليو برضو باب براهو وطبعا البيت ناصية وعيقم هو الكان مشرف علي بني البيت وقال لوالدة نيجيري انو صديق ولدها وانو وكلو يبني ليهو البيت وام نيجيري اكرمتو شديد واحترمتو شديد وفرحت انو ولدها خلاص جهز نفسو وكانت خاتة في بالها انو حيجي ويتزوج عزيزة خلاص ولسة المسكينة ماعارفة انو اصلا متزوج وعزيزة ماعارفة انو نيجيري شالا من قلبو نهائيا وللابد طبعا نيجيري عندو خالو واحد بس شقيق امو اسمو مهند زول ذكي بس محتال شديد 😁 وبيعرف يستغل الفرص وهو طبعا اصغر البيت وام مازن بتحترمو كتير وهو كون صداقة مع عيقم وما كان بيعرف انو عيقم من الجن بس كان بحترمو شديد وعيقم مفهمو انو صديق نيجيري وانو هو نزل السودان زيارة لاهلو وحب يساعد صديقو ويشرف علي البني حقو والمكنة مشت في مهند طبعا ويلا خليهو يبلعا لحدي ما تجيهو الحقيقة 😁 طبعا مهند ما اتزوج بعد كل دا عندو واحدة بحبها بس اهلها طماعين وناس مادة بالرغم من انو البت بتحبو وما زي اهلا بس دي الحاجة الكانت واقفة عترة في طريقو مهند بيحب البت دي ليهو اكتر من 6 سنين واتقدم ليها بس اهل البت ختو ليهو شروط قالو ليهو لو عملتها بنديك بتنا وهو من شدة حبو ليها ماشايف بت غيرا ابدا وقال ليهم انا بنفذا ليكم بس ماف زول ياخد البت دي غيري قالو ليهو انت بس اسرع وانجر والبت منتظراك..!
طبعا كانو طالبين منو عربية وبيت مسجل باسم بتهم وما عارف شنو وهو المسكين ياحليلو يادوب ساكن في بيت الورثة حق ابوهو واخواتو الاتنين اتنازلو ليهو من نصيبهم فيهو وشغال رزق اليوم باليوم ما كمل تعليمو من الثانوي بعد ابوهو وامو اتوفو 😢 طبعا اتوفو بي حادث حركه كانو جايين من عزا هم زاتم وكان الكلام دا قبل زواج اخواتو بي اسبوع بس ماتو..! فقام عاش اخواتو لحدي ما اتزوجو ولسة منتظر فرج ربنا عليهو والحمدلله علي كل حال والبت صابرة معاهو وسانداهو ورافضة اي زول يتقدم ليها طبعا اهل البت خاتين ليهو الطلبات دي كتعجيز لانهم شايفين انو ما بقدر يسعد بتهم هم الصراحة ناس امورهم باسطة لمن عسل ومستخسرين بتهم في مهند 😁 "ناس عواليق خلاص بيقيمو بالمادة"...
خلونا نرجع لعالم الجن ونشوف الحصل شنو هناك..!
طبعا الشوكير نصبو ليهو تمثال تذكاري من الدهب وكان واقف فيهو بي شموخ وشاهر سيفو ومكان المبارزة حق العوراء غيروهو باسمو وعملو حاجات كتيرة باسمو كاول فارس يستشهد في عالم الجن والناس تحبو في الدقايق الاخيرة...! يلا ميارخ مشت لعمها عيقم وقالت ليهو ياعمي انا قررت (.......) ميارخ انتي متاكدة 🥺😲 🤩......
...... يتبع😉
" قرار ميارخ شكلو قرار مصيري حبيت اشوقكم بس واربطكم بالحلقة الجاية😁 لاننا خلاص علي مشارف النهاية ان شاء "
ليست هناك تعليقات
إرسال تعليق