آلَشُقُةّ_آلَمًسِکْوٌنِةّ «2»
آلَحًلَقُةّ ~ «12» الاخيرة
بًقُلَمً مًحًمًدٍ بًشُريَ "αℓ-fαяєєɒ Вυsняяα"
طيب يا خالي اول حاجة هاك دي 5000 دولار خليها معاك ولو احتجت او نقصت ليك حاجة انا قاعد ان شاء الله والخطة كالاتي... اولا يا خالي انا عارفك زول بتحب الضحكات 😁 وهو في زول ما بيحبها المهم خلينا في موضوعنا الهظار والضحك دا بعدين 🌝 😏 طيب ياخالي انت عارف انو امي طبعا عايزاني اتزوج عزيزة وانا متزوج اميرة من الجن يعني ما بينفع اتزوج عليها تاني ولو اتزوجتا اي واحدة تاني حتكتلا 🥴 كيف يعني حتكتلا 🙄😲 حتكلتلا الكتلان الواحد دا يعني بتموتا يعني جخخخخ بتوديها للكريم دغري 😁😏🥴 هههههه وتاني هههههههه بتهظر انت يا مازن صاح 😏 اهظر شنو ياخال دي الحقيقه ماقاعد اهظر ميارخ قالت الكلام دا بي لسانها 😔 يعني هسي انا لو اتزوجت اي واحدة الاتزوجتها دي حتموت فعشان كدا عايزك تقنع امي اني ما حاقدر اتزوج اما لو علي عزيزة ما حتقتنع فافضل حل اني اقول ليها اني مرتبط وعايز اتزوج الانا مرتبط بيها دي واها لازم تتعامل معاي علي مبدأ اني اخوها وانها اختي ما اكتر عشان هي زاتا توعي لكدا 🤨 طيب امك حنقنعها كيف 🤷♂️ امممم اتصرف انت ياخالي هو انت كمان عايز زول يوريك يعني 🤨 بسسس امك.... 🤷♂️ ما بس ولا حاجة هاك دي 10 الف جنيه عشان لسانك يقدر يتكلم مع امي 😏😁 ايوا كدا اللسان بيقدر يتصرف معاها يلا لبعدين بجي بديك الزيت 😁🤭 طيب في مشكلة تانية بس دي خليها بعد انجز ليك مهمتك دي اول حتي بعداك بقولا ليك 😁 تمام ياخال اي حاجة محتاج ليها انا بساعدك ✊ زيت يامعلم ✌👍... طبعا ياجماعة الخير نيجيري وخالو اصحاب اكتر من كونهم خال وولد اختو وكل واحد فاهم التاني شديد ونيجيري خالو دا عوضو الكتير من بعد مات ابوهو ووقف معاهو كتير فعشان كدا نيجيري شايف انو مهما عمل ما بقدر يوفيهو حقو وحكاية القروش القاعد يديها ليهو دي ما عشان هو يخدمو لا بالعكس بس عشان يساعدو لانو عارف ظروفو ونيجيري بعد اتزوج ميارخ كلمة ملياردير بقت عليهو بسيطة القروش ماليها حصر عندو مامضطر يطلب بس يفكر وبيتوفر ليهو االعايزو حظك يا ود اللذينة" 😁 المهم خالو فات لامو وحنكا واجتهد معاها كتير عديل واقنعا وافقت بس علي مضض وحزنانة علي عزيزة عشان عشمتا وادتا كلمة وقالت ليها بتحل المشكلة وهسي حتكون خجلانة تاني تمشي تقول ليها ولدي قال عايز واحدة غيرك المهم شالت نفسا وختتو وقالت انا احسن اتكلم مع مازن واشوفو عايز منو وليه ماعايز عزيزة وليه لمن اتكلمت معاهو ما قال لي انو في واحدة في حياتو المهم، رسلت ليهو ونادتو وقعدت تتكلم معاهو وجات معاهو ميارخ بس كان مشرط عليها ما تتصرف اي تصرف وتخليهو هو بحل الموضوع لو بتثق فيهو وفعلا رضخت لكلامو وطبعا ماف زول شايفا غير نيجيري ولمن سمعت كلام امو خلاص بان علي علي وشها الغضب وكانت عايزة تنفعل وتنفصم 😁 بس كلام نيجيري لامو هداها شوية "نيجيري قال لامو انا عزيزة دي معتبرها زي اختي واتخطيت مرحلة انها تكون زوجتي من زمان ومرتبط بي واحدة هل انتي تقبلي علي ولدك يمة يتراجع من كلامو وعهودو ويبقي ما راجل 🤷♂️ حاشا وكلا يا ولدي انت راجل وسيد الرجال كمان وابدا ما تتراجع مدام وعدت اوفي بي وعدك وانا بتصرف مع عزيزة بت اختي ✊✌ لا لا يا امي انا بتكلم معاها بنفسي اصلو ما بدخلك معاها في احراج اكتر من كدا خلي الموضوع علي يمة ✌ طيب يا ولدي ربنا يسهل ليك وييسر امورك 🤲 امين يارب ايوة كدا يمة بدون دعواتك وعفوك انا ما بتحرك شبر واحد وهسي انا ناوي استقر هنا وافتح لي شركة بالشراكة مع خالي انا مني القروش وهو الادارة لاني شفتو زول فاهم في التجارة شديد والحمدلله 🌝♥ اي والله التجارة حلوة بس انت حتجيب القروش من وين 🤷♂️ انا عندي قروش كتيرة يمة تتذكري الزول الكان جا تابع بني البيت حقي 🌝 اي متذكراهو زول طيب واصيل شديد والله كل ما يجي البيت ما بجي فاضي خجلنا منو والله العظيم ☺️ اي بسس ياهو يلا دا انا كنت شغال معاهو في مصر هو اصلا مستقر في كندا وزول ماشاء الله عليهو لمن شاف اني زول امين عرفني بي بت اخوهو وقال لي عايزك تتزوجها وهو معتبرا زي بتو وهي طيبة شديد يمة وحتحبيها انتي كمان وزولة خدومة وحلوة شديد وانا حبيتا ووعدتا اني ما بتزوج غيرا وهي كمان حبتني وعمها دا شدت ما بثق فيني اداني كل ثروتو تحت تصرفي عشان اشغلا ومنها اعمل مشاريع لنفسي واكون بيها نفسي وغير كدا هي خشت الاسلام عشاني انا يمة طبعا امها من كندا بس ماتت بدري الله يرحمها ومدام اسلمت عشاني انا ما بسيبا يمة ولا كلامي غلط 🤷♂️ اي ياولدي ماتسيبا وياحليلا شوقتني اشوفا جيبا لي عليك الله واتزوجا هسي تلقاها فاقدة حنان امها جيبا لي وانا زاتي عايزة لي بت اخواتك ديل ما دايمات لي هسي بمشن بيوت رجالهن 😔 طبعا واحدة من اخوات نيجيري كانت بتتصنت وسمعت كل الكلام وجري قطعت حبل وشالت الشمار لعزيزة ☺️😁🤭 ورصت ليها الكلام رص وزادتو كمان عشان تهيجا بس عزيزة ولا اتحركت من مكانا وقعدت تبكي وتبكي لمن دموعا جفو وقعدت تقول .... انا السويتو في نفسي ياريتني سمعت كلامو ياريتني ما اتكلمت مع خالد هسي خالد عرسو بعد اسبوع 😔 كسرة طبعا خالد زميل عزيزة كان جاري بيها زمن هي كانت عاداهو زميل ليها وكانت بتستشيرو في اي حاجة بس هو كان قصدو يقطع علاقتا بود خالتا عشان يدمر ليها علاقتا بي ود خالتا مع انها ما اذتو في شي بس هو عشان كان حابي واحدة وشلبا منو مغترب فبقي شايف كل البنات الحابات المغتربين كلهم واحد ونفس الصنف بجرو ورا المصالح ومن يومها وهو قرر اي بت بتحب مغترب مادية فالموضوع بقي ليهو عقدة وهوس في عقلو 😁 المهم بعد خرب ليها علاقتا وراها انو حيتزوج بت خالتو وانو بيحبها من زمان مع انها سألتو كتير وانكر انو ما بيحب ولا حصل حبا من اساسو ووراها انو كان قاصد شنو عديل بعد ما حقق غايتو لا وكمان عزما علي عرسو 😁 المهم نرجع للحاضر خلونا من صاحبا داك في عز بكيتا ديك جا داخل نيجيري واول ما شافتو اول كلمة قالتها ليهو الف مبروك ليك يا ود عمي وود خالتي واخوي مش انا برضو اختك وان شاء الله بيت مال وعيال وتتهني بيك العروس وتكونو سعيدين مع بعض 😔 نيجيري غلبتو الحيلة وبلع ريقو وميارخ مراقبة كل الحاصل فطوالي رد ليها،، ربنا يكرمك يابت عمي ويديكي الاحسن ان شاء الله ويسعدك 🤲
وين تاني القي السعادة وانا الغبيانة ضيعتها من يدي وقعدت تقول،،،،.!
في فرقتك زاد العذاب وقمر سماي الليلة غاب
كل يوم يمر زايد بعاد زاااااااايد بعـــــــــــاااااد
"الابيات دي اغنية لصديقي نور الدين الماحي باسم Trou Love" العايز الرابط حقها بلقاهو في اخر الحلقة...!
وحددو العرس فعلا وكان وكيلو خالو المرة دي والعروس عيقم كالعادة طبعا 😂 بس المرة دي عرس شكلي فقط عشان يقنع اهلو بس واتصل علي حسام والشلة قال ليهم لازم يجو يحضرو عرسو طبعا ميارخ اتكفلت بيهم وجابتهم حظكم لقيتوها والله 😁 وبدو الاستعدادات وعزمو الناس وام نيجيري دي ما خلت زول ما عزمتو المهم الخلق الجات العرس كانت حاجة رهيبة والعرس زاتو كان حاجة لا حصلت ولا الناس شافوها طبعا لا كان في تاني عقد ولا يحزنون لانو هم سلفا متزوجين وزي ما قلتا ليكم العرس دا شكليات بس م اكتر وميارخ ويارخ طبعا غيرو اساميهم ميارخ غيرت اسما لي رونق ويارخ لي عبد الله اما وردة فزي ما هي خلت اسما زي ما هو ما غيرتو ام نيجيري فرحانة فرح التقول عايزة تطير من الفرح اول حاجة ميارخ قصدي رونق😅 حلوة حلا تعشرق بالزول ياخ 😁 وعزيزة لمن شافتا عايزة تجيها نفسيات 😅😁🤭 المهم طبعا اصحاب نيجيري ام نيجيري كلفت عزيزة ولدن بتها يهتمو بيهم بي غسيل ملابسهم ومكوتهم وكدا واقلها يلقطو ليهم عرسان بدل البورة الحاصلة عليهن دي 😅 فنشأت علاقة فعلا بين لدن مع مازن بس مكتمة علي الموضوع وحسام كان بيحاول يحنك لي عزيزة بس كانت ما بتديهو كلمتين ورا بعض يلا ام نيجيري طوالي جابت مازن وختتو في فتيل وطرشت ليهو الموضوع طاخ وجابو حسام برضو لانو الاتنين ديل عجبوها والخدمة الخدموها ولدا الولدتو من بطنا ما خدم زيهم 😁🤭 والاتنين قالو ما عندنا مشكلة ونيجيري اخونا وما بنلقي زي اخواتو ولينا الشرف نناسبو طبعا حسام هو بنفسو الاختار عزيزة بس قالو ادونا مهلة احنا لسة في اول طريق حياتنا نيجيري كان قاعد يسمع بعد خلصو كلامهم طوالي اتكلم وقال انتو اخواني قبل ما تكونو اصحابي وعرسكم كامل علي بكل احتياجاتكم حتي شهر عسلكم علي وانتو تختارو المكان وانا علي التنفيذ ومعرفتي بيكم كنز وانا البتشرف بيكم وبي نسبكم طوالي ام نيجيري قالت خلاص نشاور البنات ونديكم رايهن وفعلا شاوروهن لدن ع طول قامت جارية ودخلت الغرفة امهما وخالتها ضحكو وقالو انتهينا من واحدة النشوف التانية التانية قالت لا هسي ماعايزة اتزوج ما عندي نية عرس امها وخالتا عرفو انها لسة متأثرة بي عرس نيجيري وما قادرة تتجاوزو فقالو ليها تمام ومرت شهرين وكان عرس خال نيجيري ونيجيري قال لدن ومازن يتزوجو طوالي مدام ماعندهم مانع وانا زي ماوعدتهم متكفل بكل شي وفعلا تم العرس وكلهم انبسطو وحسام قدر يقنع عزيزة ويطلع نيجيري من قلبها ويبقي هو حبيبا بس لسة ما حدد ليها زمن خلاها هي التطلب منو انو يتزوجو بس وراها انو جاهز متي ما هي عايزة ومرت الايام والشهور ورونق ولدت وجابت توؤام وسموهم حسام وغضنفر وامو فرحت بيهم فرح مبالغة واصرت الا يضبحو لي كل واحد تور براهو وفعلا عمل كدا واهل ميارخ اقصد رونق جو كلهم 😅 "انا زاتي لسة ما اتعودت للاسم الجديد🤭😅" ولدن طبعا طلعت حامل في الشهر التالت ومرت خالو كمان حامل في الرابع يعني الدنيا عندهم كلها مبتهجة يلا بالمناسبة السعيدة دي حسام براحة قال هوي انا ما بقدر انتظر اكتر من كدا عايز اتزوج وام نيجيري براحة مشت لعزيزة وردحت ليها تمام 😅 واول ما شافا جاية مبتسمة عرف انها جاتو بالبشارة وفرح فرح لمن حضن نيجيري وطوالي حددو الزواج بعد شهر بعد رونق تقوم بالسلامة..........
النهاية كدا نقدر نقول اكتمل بحمد الله تعالي الجزء التاني من رواية الشقة المسكونة •• بقلم اخوكم الفريد الي ان نلتقي في الجزء الثالث او في رواية اخري لكم مني عاطر التحايا لحسن متابعتكم واتمني ان تكونو استمتعتم بها وازالت عنكم جزءا من الملل واعتذر كل الاعتذار عن التاخيرات اللتي حصلت مني فلتلتمسو لي العذر محبكم الفريد....°_°😉 🤭
رابط الاغنية الموجودة في الحلقة دي
للتحميل اضغط هنا 👇👇👇👇
البوم الجزء الثالث هنا 👇👇👇
ليست هناك تعليقات
إرسال تعليق