آلَشُقُةّ_آلَمًسِکْوٌنِةّ «2»
آلَحًلَقُةّ ~ «08»
بًقُلَمً مًحًمًدٍ بًشُريَ "αℓ-fαяєєɒ Вυsняяα"
يلا قعدوها وهدوها وفهموها بالحاصل ووروها انهم مجتمعين عشان الموضوع دا بالزات لانهم كمان اتلقو رسالة وكانت مكتوبة بالدم وكانت واضحة ف اللهجة وفيها «.. سلمونا قلعة الزمرد وسيف الجحيم مستسلمين تسلمو والا فان القلعة ستدمر بمن فيها والانسي سيعدم ولا عذر لمن انذر .. الامبراطور كراوس .."» ..... الضحضاح لمن عرف انو نيجيري انخطف وانو ولدو كراوس هو العمل كدا غضب غضب لمن قرونو ظهرت وكانت متوهجة من الغضب ومنظرو مخيف شديد يعني لو لمستها بيديك بيكون عندك يد مشوية 😹🤭 وكل المجلس كمان استنكرو الفعلة دي وطوالي بالاجماع صدر القرار بسجنو مدي الحياة في سجن الزمن لانو كدا هو اتمرد ومخطط لانقلاب ودي قوانين مملكة الجن تعالو نديكم تذكير شوية عن "كراوس" كراوس امير المملكة الغربية وبسببو الضحضاح بسط سيطرتو علي اراضي كتيرة وضماها لحكمو وكرواس مسؤول عن الجزء الغربي كامل ومش كدا وبس ومسؤل عن 3 بوابات من 7 بوابات تربط عامل الجن بعالم الانس والبوابة الرئيسية في مملكة الزمرد وفي بوابة في قلعة طارخ اللي هيا في الشقة حقت ناس نيجيري نفسها وفي بوابة عند دعبل الولد البكر والبوابة الاخيرة كانت عند المجوس من الجن وديل كانو بيفسدو بيها فساد عظيم لمن غلط لحدي ما الضحضاح رسل عيقم عشان يستعيدا والكلام دا قبل 500 سنة وفعلا عيقم هزمهم شر هزيمة ودساها في مكان ماف زول بيعرفو غيرو هو حتي الضحضاح ما بيعرف مكانها فكانت نية كراوس انو يسيطر اول حاجة علي البوابه الرئيسية حقت قلعة الزمرد وبكدا بيكون ضرب عصفورين بي حجر واحد فلو سيطر علي القلعة وبقي حاكم عليها وضمن البوابة الرئيسية في يدو والباقيات بيجن بالساهل عشان البوابات بدون الرئيسية ماليها اي فايدة وعشان يقدر يعمل تزامن كامل بين العالمين لازم يتحصل عليها اول وهو طبعا مستعين بسحرة من الانس وكانو سحرة لا يستهان بيهم وعددهم 7 نفس عدد البوابات بس كمان السحرة من غير كراوس ما بقدرو يعملو حاجة في عالم الجن لانو حلقة الوصل بينهم وبين عالم الجن طبعا كدا الموقف واضح للجميع فاول خطوة عملا الضحضاح جمع كمية من المردة الاقوياء وعين كل 6 من المردة علي بوابة والمردة ديل اي واحد فيهم عندو سيف بالامتار وجسومهم ضخمة ضخامة ما عادية "يعني انت يالبتقرا روايتي بالنسبة ليهم زي العصفور 😹🤭" يلا تعالو نشوف نيجيري " نيجيري كان مسجون في قفص زي العصفور والقفص دا فيهو طاقة كدا بتمنعك تستدعي سيوفك او تتحكم فيها لو معاك وبيولد طاقة مغنطيسية بتشوش عقلك ودا السبب البيخليك ما تقدر تركز وتتحكم في اسلحتك وبما انو نيجيري في عالم الجن اذا اسلحتو بتشتغل لكن في حالتو دي بدون اسلحتو.! ودرعو ما معاهو ما بقدر يعمل اي حاجة وكان قاعد قدامو كراوس وبتكلم معاهو وكراوس مستغرب لانو قال ليهو حاقتلك لو ما سلموني سيف الجحيم والقلعة متاكد انك ميت بدون نقاش ونيجيري بارد ولا كانو سامع حاجة 😁 قال ليهو خير 🙂 يازفت يا انسي انت بتكلم معاك بقول ليك بكتلك 😡 اها وبعداك حتقدر تواجه غضب ميارخ وعيقم وطارخ ويارخ والشوكير والضحضاح بي سيف الجحيم ما اعتقد يامجنون 😏 كلام نيجيري خلا كراوس يتجنن بالاضافة لانو ما قادر يقرا افكارو وما قادر يحدد السبب شنو "😁 ودي اربكت كراوس وزعلتو وخلتو هايج زي التور المجنون 😹 فقام ضرب القفص من الزهج لمن نيجيري اتعوق في رجلو الشمال بس الضربة كانت كفيلة انها تعمل فتحة كافية لنيجيري انو يحس بالعصاية وحصل كونكشن بينو وبينها 😁 وبما انو القفص اتفتح وكراوس مشوش اذن في ثغرة بتخليهو يقدر يستدعي العصاية حقتو بدون ما كراوس يتلاعب بي عقلو فطوالي استغلاها وركز كل طاقتو الفكرية واستدعاها طبعا لو استدعي الدرع كمان الدرع ممكن يكشفو فالحل الوحيد الما بيسبب مخاطرة كان العصاية بس،،!
في قصر الزمرد الكل مجتمع.. فجأة جات الخادمة تجري للمجلس ودخلت حتي بدون استأذان وقالت ليهم بعد ما اعتذرت انو السلاح حق نيجيري اتحرك لوحدو وطلع من القصر ميارخ طوالي طلعت ووراها عيقم وطارخ ويارخ والشوكير كان عايز يمشي بس الحاكم وقفو وقال ليهو ما يصح فارس يحارب بدون سلاحو وما بسعدني انو واحد من فرساني الاشداء يحارب بدون سيفو لانو السيف هو روح المحارب وقام اداهو سيف الجحيم وقال ليهو السيف دا ماف زول بستحقو غيرك وماف زول بقدرو كمان غيرك بس احسن استخدامو وما تخليني اندم اني وثقت فيك ياشوكير 🙄 الشوكير قال ليهو سيدي الحاكم انا بعترف اني كنت اهوج وبخالف القوانين بس الانسي علمني درس عمري ما انساهو ووعد ليك مني حتشوف شوكير جديد ومختلف عن السابق وحتتشرف بيهو ياجدي ✌ تسلم يا شوكير امشي وربنا ينصرك علي الظالم وما تنسي عايزو حي عشان يتحاكم محاكمة عادلة ✊ الشوكير لحقهم برة القصر ولقاهم في حيرة لانو العصاية فاتت وما قدرو يحددو وجهتا وبكدا ما حيعرفو مكان نيجيري طوالي اتكلم عيقم وسأل ميارخ هل نيجيري لابس خاتم الزواج 🙄 اي بس ليه بتسأل 🤷♂️ لانو انا في الخاتم حق الزواج برضو ختمتو بي وصمة حماية للزول البلبسو وفيهو تحديد مكان الشخص بس تحديد مكانو ماف زول حيعرفو غيرك عشان بتعمل بالقلب والقلب هو البوصلة الخاتم بستشعر الخوف من قلب نيجيري وطوالي بحميهو وبدافع عنو وبيحميهو من اي غزو عقلي يعني هو في امان من تحكم كراوس في عقلو✊ ميارخ علي طول ختت يدها اليمين علي قلبها وفكرت في نيجيري وعلي طول حست بمكانو وطوالي فردت جناحينا وقالت ليهم ارحكم عرفت مكانو...!
نرجع لنيجيري...! العصاية وصلت بس ما دخلت القصر استقرت فوق القصر وكانت لافة حول نفسها بي طريقة عجيبة وبتجمع في الطاقة وتخزنا 🌝 وطوالي نجيري حس بالطمانينة بعد ما حس بقرب العصاية حقتو فقام ابتسم في وش كراوس واشر بيدو علي الجانب الشمالي للقصر وقال بوووم 🤭 وفعلا حصل انفجار رهيب في الجانب الشمالي للقصر لدرجة انو كراوس زاتو اتخلع وبقي بعاين لنيجيري وكان عايز يضربو وفي اللحظة الحصل فيها الانفجار نيجيري خلا العصاية دخلت القصر بالناحية المقابلة للانفجار واستقرت خلف كراوس بالظبط واول ما كراوس رفع سلاحو وعايز يضرب نيجيري طوالي نيجيري وجه كل الطاقة الفي العصاية علي جسم كراوس وصعقو بكمية حقت برق خلتو يرقص زي الهيكل العظمي 😁😁🤭 وجدعتو بعيد من نيجيري وطوالي نيجيري...
يتبع...»
ليست هناك تعليقات
إرسال تعليق