آلَشُقُةّ آلَمًسِکْوٌنِةّ(3)
آلَحًلَقُةّ ~ «2»
بًقُلَمً مًحًمًدٍ بًشُريَ "αℓ-fαяєєɒ Вυsняяα
اثناء ماهم عايزين يطلعو فجأة الباب دق مازن بيتكلم مع رونق وغضنفر فات فتح الباب كان وفي واحد كان واقف برة وقال ليهو انت حسام ...؟ قبل ما يرد في واحد قال ليهم ياهو دا هو زاتو ووقعو ليك في غضنفر دا جلد زي الجلد وهو طبعا مافاهم اي حاجة بيحاول يتفاهم معاهم وهم بضربو فيهو ولمن كترو عليهو وما قدر يتفاهم معاهم كورك باعلي حسو حساااااااااااااااام فجأة حسام ظهر وشاف المنظر دا طوالي فقد اعصابو ووقع ليك فيهم خبط من طرف طبعا حسام وغضنفر بالرغم من انهم تيمان بس حسام هو الوحيد الماخد صفات الجن من امو وغضنفر طبيعتو البشرية غالبة علي طبيعة الجن حتي قوة زي قوة الجن ماعندو حسام ما تمت دقيقة وخلاهم ليك كلهم زي الطماطم المفجقة 😹 والدم مالي الجلاليب ومهندا طبعا هو الوصف ليهم البيت وهو الاشر ليهم علي غضنفر اها لمن شاف الحاصل بال اتوماتيكيا في ملابسو 😹😹 نيجيري لمن قال يطلع يعرف الحاصل كان حسام حسم الموضوع وانتهي منهم زاتو 😹 لا وكمان شالهم ليك زي الشوالات حقت الفحم وجدعهم ليك في البكسي الجو بيهو وخلا مهند ما هبشو وقال ليهو سوق العربية وامشي وجيب ذريتك كلها المرة الجاية وتعال 😡 وتاني مرة لو شفتك هنا بخليك تلحق صاحبك..!
مهند من الخوف دور العربية قبل ما يفضيها لمن العربية خشت ف عمود الكهرباء 😹 (ابو دي خوفة زاتو 😹😁) مهند دور طوالي وما فات بيهم المستشفي بالرغم من انو الناس ديل كلهم مكسرين زول فيهم نصيح غير مهند ماف اليدو مكسورة والكراعو مكسورة والسنونو بقت فيها فلجة (غايتو حسام جيهم جيهو عفيت منك يا حسام 😹😁) فات بيهم لي واحد اسمو مدثر مدثر دا اخو حسين الاكبر منو زول شراني وبتاع مشاكل وما عندو ذرة احترام بي تعريفة...!
* نيجيري قعد غضنفر وحسام ولمن عرف من حسام المشكلة بعدها ساقهم الاتنين ومشي بيهم بيت ناس حسين عشان يطمن علي حسين اول وبرضو يحاول يعتذر لاهلو ويلمو الموضوع وهناك لاقو شيخ القبيلة وقعدو الاجاويد عشان يحلو المشكلة دي قبل ما تكبر وتتطور وسال عن الناس المعوقين وكلهم بخير طلعو يلا بعديها فاتو المجلس حق شيخ القبيلة طبعا الكلام دا في الارياف في كتير وهناك لو في مشكلة شيوخ القبيلة بقعدو وبيحلوها لانهم الاقدم والاكبر والاعقل والناس بتحترمهم وبرضخو لكلامهم مشو واثناء ما بتناقشو جا اتنين هايجين زي التيران ماسكين في يدينهم مسدسات واول ما شافو حسام واحد ولع ليك فيهو زخيرة كمل فيهو مشط كامل كل الطلقات دي ما اثرت فيهو نسبة للدرع الاتكون في جسمو لو بتتذكرو الدرع حق نيجيري الخاص بيهو المعركة حقت الشوكير بس يلا ياهو اتكون ع طول ف جسم حسام ف اقل من كسر من الثانية ودا الخلا الطلقات كلها ما تسبب ليهو اي ضرر الا الطلقة الاخيرة جات في غضنفر لانو كان ورا حسام اخوهو بس اصابتو والزول لسة هايج حسام لمن شاف الدم من اخوهو خلاص فقد اعصابو تاني وعلي طول ضرب الزول الكان بضرب في النار رماهو هناك ورقبتو مفصولة من جسمو ومسك اخوهو وقال ليهم لو اخوي ما قام بالسلامة ما برحم فيكم زول لا صغير ولا كبير كل المنطقة دي بعدما اعدام عديل وعلي طول فات بيهو عالم الجن ف اقل من دقيقة لحبوبتو (دكتورة ميارخ) لو بتتذكروها وطوالي دخلتو حوض الشفا واصلو من جمبو ما اتحرك ولحقتو امو وابوهو والناس في حيرة خلوهم وبي كدا الموضوع اتازم شديد يعني بدل ماكانو ناس حسام جايين يعتذرو هسي شيخ القبيلة حيضطر يفرض علي اهلو يعتذرو غضنفر بعد دخلوهو غرفة الشفاء ميارخ قالت الاضرار كبيرة والطلقة اصابت العمود الفقري ولو ما حسام جابو بسرعة كان اتصاب بي شلل ولازم يقعد مدة 21 يوم في غرفة الشفاء عشان السلسة الفقرية ترجع لحالتا الاصلية ويتحسن حسام دا انهار لما سمع الكلام دا وفار ودمو غلا خلاص وصل الحد ومن الغضب لمن ظهرت ليهو قرون زي حقت جدو الضحضاح واتحول لهيئة مخيفة شديد لدرجة كل الحوليهو خافو منو واي زول كان قريب ليهو فجأة بعد منو حتي امو خافت منو هو طبعا معروف عنو لمن يغضب ما بعرف لا صغير لا كبير وبيخش في نوبة غضب وحالة هيستيرية كدا كعبة شديد ودي الحالة الحاليا وصل ليها و عيونو كانت شدة ما محمرة بس كانها جمرة نار متوهجة عاين في الموجودين يمين شمال واختفي نيجيري عرفو ماشي للزول التاني الكان مع الزول الضرب اخوهو لحقو علي طول معاهو عيقم والضحضاح بنفسو ولحقوهو ف اخر لحظة كان عايز يقتلو فيها بس وبسرعة عيقم فك فيهو قنبلة انفجرت وولدت صاقعة كهرباء ضربتو ليك دسيس لمن فقد وعيو لمن فاق من غيبوبتو عيقم قال ليهو البني ادم دا غلط بس الغلط عمرو ما بتصلح بي غلط انت قتلت الزول الكان بيضرب نار عليك وضرب اخوك دا اي كان موجود بس ما ضربو وحاليا غضنفر ما مات عشان تنتقم فاهدا وخلينا نحل المشكلة الكلام دا قدام الكل وقف بس لسة بيغلي من الغضب لمن بيزفر بطريقة مخيفة طبعا لمن رجع عالم الانس رجع لحالتو كانسان لانو الضحضاح وضع قانون يمنع التحول في عالم الانس لاي سبب كان الا لاسباب ضرورية وغاية الضرورة واي زول بيخالف القانون دا بيتعاقب ودا ما فيهو مجاملة طبعا الناس كانو هارجين وكل زول بينقنق براهو طوالي الضحضاح اتكلم وبصوت عالي قال ممكن تسكتو عشان نتفاهم عشان يسكت النقنقة حتي الناس سكتو وقال انا الضحضاح ودا حفيدي حسام ودا ابوهو ودا ولدي عيقم وجينا عايزين نوقف المشاكل البتحصل دي ونحاول نحل المشكلة دي لانو لو ما اتحلت حتحصل فيها مشاكل اكبر لقدام وما بيحصل خير ولو قلنا نحلها بالقوة عمرها ما حتنحل وما حيحصل خير وحتحصل مجازر كبيرة شديد يلا سمعو كلامو فعلا وقعدو وعملو صلح مع شيوخ القبايل وخلاص انتهت الحكاية بدون اي مشاكل والعفو كان من الطرفين بس في واحد كان معترض وقال انا حاخد حق اخوي وبالقوة وحتي ما احترم الشيوخ القاعدين وكان بتكلم بي طريقة مستفزة جدا والضحضاح ماسك حسام من يدو عشان عارفو ما بتحمل الاهانة وكان قام بسوطا شرقا وغربا وهو اصلا ساكت وهادي احتراما لجدو والضحضاح طوالي قام فوق وقال احنا حنلتزم بجانبنا من الاتفاق الباقي عليكم وبقولها ليكم بوضوح اقل كسر للصلح حتصل كارثة انتو في غني عنها وطلع مع عيقم ونيجيري وحسام وفي واحد دا الكان رافض الاتفاق واسمو مدثر قال ليهم قبل ما يطلعو حاخليكم تندمو 😒 وبعد الجماعة طلعو الشيوخ قعدو يتناقشو معاهو وقالو ليهو الاتفاق دا لو باظ غيرك ماف وحنتعامل معاك بي تصرف ما حيعجبك 😒 لو قدرتو تلمسوني اصلا اعملو اليعجبكم انا البحذركم البقرب علي ما برحمو واي زول فيكم بيتدخل بخسر نفسو انا اساسا ما معترف بيكم شيوخ قبايل ولا زفت طين 😏 واحد من اولاد الشيوخ ديل اسمو محمد قام عليهو وعايز يشاكلو اول ما قرب عليهو حاول يلمسو بس اتكهرب وجسمو كلو بقي زي الزول الضربتو صاقعة 😥 وفجأة اختفي مدثر 😳😳😥🙄😱
.... يتبع
ليست هناك تعليقات
إرسال تعليق