الشقة المسكونة «2» {الضيف السكران}
بًقُلَمً مًحًمًدٍ بًشُريَ "αℓ-fαяєєɒ Вυsняяα"
ناس نيجيري قابلو مززهم ورجعو الجمبة وامورهم وضاحة والشلة اتلمت كلهم حتي الفي الشغل جو وطوالي قلبوها ضمنة وجرت لي الساعة 2 ولمن قامو طالعين مهيد اتصل علي كابوس عشان يرجعو يتعشو ويبيت معاهم بس ما برد علي تلفونو حاول اكتر من 4 مرات بس ما برد المهم فاتو الشقة علي كدة وظبطو طقتهم وبدو ياكلو شوية كدة بس ويسمعو ليك هرجلة برة الشقة في الممر والصوت بدا يعلي قام حسام عشان يشوف الحاصل شنو ولقي ليك كابوس ماسك ليك السكين وجايط مع صاحب الشقة 😁 وسكران لط واقف النبق 😹 حسام هدا صاحب الشقة ودخل كابوس شقتنا وحاول يفهم الحاصل شنو من صاحب الشقة.. اتاريهو كابوس جا وحسب سكرتو افتكر انو دي شقتنا دق الجرس وكت ماف زول فتح ليهو الباب حاول يفتح الباب بالسكين 😂 وصاحب الشقة في الوكت داك فتح الباب وشاف كابوس ماسك السكين افتكرو حرامي عايز يكتلو ويسرق الشقة 😹 وطبعا صاحب الشقة دا هو نفسو سيد الشقة الماجرنها احنا والبابين قصاد بعض ودا اللخبط كابوس 🤓 المهم حسام جاب كابوس وجانا وسيد الشقة دخل شقتو يلا قعد ضربا مع نفسو وجانا دق لينا الباب لمن فتحنا ليهو قال لينا انا عايزكم تفضو لي الشقة وهسي دي وبدون اي نقاش 🥴 😒 بس يامعلم كيف هسي والساعة ماشة علي 2:30 صباحا 😳 والله دي ماشغلتي ولا مشكلتي انا عايز شقتي وهاكم دا حق الايجار ودا حق التامين الدفعتوهو لي لما جيتو اجرتوها ونص ساعة والقاكم فضيتوها بدون اي نقاش 🧐 طيب خلينا نبيت والصباح نطلع منها 😐 لا وحالا يعني حالا.. وفات مننا ولا حتي انتظر ردنا..! نيجيري قال ليهم يلا خلونا نمشي عمك دا اصلا ما حيخليكم تقعد بعد الحصل ده احسن حاجة نمشي نشوف لينا شقة باقي الليل دة والله كريم 🧐 مهيد قال لصحبو انت يا اصلي اتكل علي الله وامشي شقتك وخلينا احنا بندبر نفسنا 😐 المهم نزلنا ولفينا علي السماسرة ما لقينا واغلبهم بيقولو الصباح هسي ماف طريقة لمن زهجنا خلاص قعدنا في قهوة كدا وفتحت الواتس لقيت واحد اسمو ناصر من اصحابنا متصل طوالي خشيت ليهو ف الواتس وحكيت ليهو القصة اداني رقم واحد صاحب عمارة معروضة للايجار اتصلت عليهو اسمو فهمي.. يافهمي صباح الخير
فهمي: اهلا صباح النور مين معايا
معاك نيجيري يامعلم احنا محتاجين شقة وسمعنا ان معاك شقة للايجار فاضية ولا اتاجرت..؟ لا لسه فاضية ممكن تجو هسي تتفرجو عليها لو عايزين..! ماشي حنجيك هسي ادينا الوصف 👍 مشينا علي حسب الوصف انا ومازن ومهدي وحسام وقابلناهو وخلينا باقي الشلة في القهوة مع الشنط وباقي العفش مشينا شفنا الشقة وعجبتنا لمن وكلمة عجبتنا زاتو عليها بسيطة دقيقة اوصفا ليكم 😼 تلاتة غرف وصالة كبيرة وحمامين كبار في كل واحد سخان موية وبانيو وفيها 4 شاشات في كل غرفة شاشة 42 بوصة بي رسيفراتهم واتش دي كمان والصالة 52 بوصة وفيها جهاز بين اسبورت شفتو العزة دي كيف 🤓 وشقة ماشاء الله نضيفة نضيفة يلا نجي علي الاتفاق..! بتاع الشقة قال نقعد فيها 3 يوم نجربا لو نفعت معانا بعداك نتفق والايام الحنقعدا ما حيحسبا لينا 😼 مهدي قال ليهو من هسي عجبتنا نتفق طوالي ونكتب عقد الايجار فهمي قال لا اخدو التلاتة يوم دي لو عجبتكم خير وبركة ما عجبتكم ماخسرانين حاجة انتو 🧐 انا شكيت الصراحة بس قلت الله يكضب الشينة 🤔 المهم خلاص مشينا ع كلامو واتصلنا علي الشباب
... يتبع
ليست هناك تعليقات
إرسال تعليق