آلَشُقُةّ آلَمًسِکْوٌنِةّ «3» «الخلعة 🤭😂»
بًقُلَمً مًحًمًدٍ بًشُريَ "αℓ-fαяєєɒ Вυsняяα"
المهم خلاص مشينا ع كلامو واتصلنا علي الشباب جابو العفش وجونا وطبعا الفرش حق الشقة يخليك تعمل كدا 🤤🤓 من سماحتو ونضافتو جديد لسة خدشة ما فيهو.. طبعا احنا 8 يلا كل نفرين اخدو ليهم غرفة
انا وحسام في غرفة ومهيد ومهدي ف غرفة ومازن ومجدي اخدو الصالة عشان ديل مهابيل كورة 😂 ومدثر واحمد اخدو الغرفة الاخيرة وقعدنا عادي ومبسوطين بالشقة الحلوة دي لمن ما فضل لينا الا اي زول ماشي في الشارع نعزمو يجي يشوفها 😂 عدت الايام التلاتة وجا يوم الاحد كازن قال لي يلا اتصل علي الراجل دا عشان نشوف فهمو شنو.. اتصات عليهو قال ننزلو ليهو في القهوة تحت مشينا ليهو انا ومازن وحسام وشايلين معانا 5000 مصري عزمنا قوة وشاي واداني سجارة وادا حسام مازن ما بشرب وطوالي سألنا اها نفعت معاكم 🤔 حسام اي مبسوطين بيها والحمد لله 🤗 طيب حصلت معاكم اي حاجة كدا ولا كدا ولا في حاجة ضايقتكم 🤠 لا لا الحمد لله ماف اي حاجة ضايقتنا ابدا قلنا ليك مرتاحين فيها 😇 طيب علي بركة الله انا حاخد منكم ايجار 1500 جنيه بس وما حاخد منكم تأمين بس تحافظو علي العفش الفيها انتو ماشي 😐 انا وحسام ومازن 😲🤔 مازن: 1500 جنيه ولا دولار 😹😹 جنيه دولار شنو يابن النيل 😁😁😁 انا لكن دي سعرا اغلي من كدا بكتير 🙄حسام قرصني وقال لي بصوت واطي انت مالك ومالها حقت ابوك انت 🤫😹 سكتا طوالي علي قول حسام مازن قال ليهو خلاص تمام اها بالنسبة للكهربا والموية والغاز كيف حساباتا 🤷♂️ طبعا دي بتجيكم فواتير بتحاسبو عليها ان شاء الله 📜خلاص تمام اتفقنا يامعلم😇
علي كدا خلاص امورنا بقت وضاحة وسكن ما كنا نحلم بيهو وبي سعر رخيص لمن غلط مع انو عندي شك انو الشقة دي فيها حاجة ما تمام لكن اتجاهلتا الموضوع قلتا لقدام نشوف البحصل شنو وكل حاجة متدسية بتظهر طبعا العمارة فيها 5 طوابق واحنا برانا الساكين فيها ماخدين شقة في الدور التاني اها مرت الايام
عادية ماف اي جديد نفس الروتين الشغل، الجمبة، الشقة 😁 لحدي ما يوم بالليل كدا مساهرين انا وحسام ومجدي ومهيد نتونس كان شوية كدا نسمع ليك صوت كبابي بتطاقش 🙄 كلنا الاربعة دخلنا في صمت رهيب وكل واحد فينا مفتكر انو سمع الصوت براهو تاني نسمع ليك صوت كعب عالي في السلم لانو سايبين الباب مفتوح وكنا في الصالة وبعديها صوت ضحك 😢 يلا خلاص حسام اعصابو باظت وما قدر يسكت ومجدي بقي يرجف التقول في برد والمشكلة انو كان يادوب داخل فصل الصيف حسام طوالي اتكلم هوي انتو سامعين اللي انا سامعو دا مهيد قال ليهو اي بي خوفة كدا 😱 والصراحة انا جسمي نمل وشعري وقف انتباه 😹 كلنا جرينا علي الباب نشوف دي منو دي وقفنا في الباب الصوت لسة مازال موجود وكل شوية زايد بس ماف زول مجدي طوالي جرا غرفتو ومسك كتاب القران وقعد يقرا اية الكرسي😇 ومهيد فووو هرب زي الطلقة ودخل هو كمان غرفتو 😁 وحسام يقول لي نيجيري ارحكاكا وانا شغال ليهو اصبر اصبر اصبر والصوت قرب لدرجة تحس انو الزول الماشي دا ماشي قدام عيون 👀 فجأة الصوت راح وماف اي زول برضو اتلفت وراي ما لقيت حسام رجعت اتلفت قدامي ماف زول برضو..! بس حسيت كانو في زول واقف قدامي بالظبط كدا لانو جاني نفس حار حاولت اجري بس ما قدرت كانو كرعيني اتصمغو مكانهم ووشي اتخطف وقلبي انقبض😢 فجأة اسمع ليك ضحكة غريبة كدا كاني بسمعها في قلبي مافي اضنيني 😁 وتاني صوت الكعب العالي ظهر بس المرة دي ماشي مني بعيد انا قعدت ارجف من الخوف لمن جسمي برد 😸🤭 "ابو الزفت ماقلنا نوبة" 😂 فجأة ما احس ليك الا وزل ختا يدو في كتفي من وراي 😁 وانا خلاص الفيني كملت 🤭 قلتا كدا وكوركت ليك باعلي صوت عندي "وااااااااااااااااااي" الشقة كلها صحت 😂😂
.... يتبع
ليست هناك تعليقات
إرسال تعليق