آلََشُُقُُةّّ آلََمًًسِِکْوٌٌنِِةّّ«21» الحلقة الاخيرة من الجزء الاول
بًًقُُلََمًً مًًحًًمًًدٍٍ بًًشُُريََ "αℓ-fαяєєɒ Вυsняяα"
الشوكير قام عادي بعد كل الطاقة القوية الضربتو دي بس وشو مليان دم وكان مذهول لكن بقي مستمتع وقال اخيرا خصم يستحق اواجه بكل قوتي وفعلا شوكير ما وجه في الضربة دي الا الربع من قوتو وفجأة الشوكير رفع يدو فوق واستدعي سيف الجحيم طبعا اسم السيف ساي يرعبك 😹 سيف الجحيم دا فعلا جحيم الشوكير اتغلب علي واحد اسمو شمهروش وشالو منو كان اكبر بؤرة للشر في عالم الجن ويمكن دي الحسنة الوحيدة العملها في حياتو انو خلص عالم الجن من الطاغية دا وما حصل حارب بيهو نهائي قال ما بيحارب بيهو الا لمن يلقي خصم يستحق وشكلو انت المستحق يا نيجيري مش قلتا ليك كتمت فيك "اربط قلبك ساي" 😹 عيقم من شافو رافع يدو وكل اسلحتو معاهو عرف المصيبة الجاية شنو 🙁 السيف دا من اكبر مميزاتو انو يطلق كتل ضخمة من النار وحمم بركانية ودوامة قوية من اللهب وكتلة واحدة لو صابت نيجيري وهو بدون درعو حيتبخر وبعد دا حتي بالدرع الضربات المتتالية ممكن تعوقو وممكن يطلق دوامة رهيبة من اللهب مدمرة بشكل لا يوصف 🙁 "كتمت كتمت كتمت 😏" انا غايتو من هسي بقول ليكم اترحمو عليهو كان مسكين والله حبيب ميارخ اتوفي في ظروف غامضة "😹 ووصل السيف لارض المعركة لمن الكل قامو من كراسيهم من الفزع حتي الامبراطور الضحضاح بنفسو لما شاف السيف ارتعش جسمو السيف ده كل الجن بيعملو ليهو حساب واللي صنعو جد الجوكر وحتي الجوكر منذهل من طريقة صنعو وقدر ما حاول ماقدر يصنع زيو نهائي ا قدر وكان متمني مرة يشهد ليهو معركة حقيقية لانو بسمع عنو من وهو صغير بس ولا مرة ما حضر ليهو معركة عشان يحللو ويصنع زيو ولما جا السيف مرا بيهو هو استشعرو وطوالي تابعو لارض العورا 😐 شوكير مجرد ما السيف وصل رمي اسلحتو ف السما فوق وسحب سيف الجحيم من الارض لحدي ما طلع بوخ من نار مكان الفتحة الكان مغروز فيها السيف وعلي طول طار بيهو فوق لارتفاع عالي شديد ونيجيري يعاين وعرف انو دا ما سيف زي اي سيف واخد وضعية الدفاع استعداد لصد الهجوم فعمل نفس الحركة الاولي بس المرة دي ضرب العصايه 4 مرات ورا بعض وكان الدرع الولدتو اقوي من المرة الاولي بي 3 اضعاف ووصل الشوكير في اللحظة دي لارتفاع مناسب وطوالي كون دوامة من اللهب ووجها لي نيجيري وتاني لحقها واحدة اكبر منها وضربت نيجيري وخلتو في النص وجات الدوامة التانية وبلعت الاولي بي نيجيري والشوكير لسة بهاجم والمرة دي بالشاكوش وجاي نازل بيهو بنفسو الدوامتين كانو بلفو نيجيري جواهن زي فرول العجلة "مالكم مستغربين اقرب تشبيه جا في بالي 😹🤭" "للبنات يعني زي الطماطم في الخلاطة 😹 " طبعا الدوامتين مولعات نار 🔥 ونيجيري بد يحس بالحرارة وفجأة الشوكير ضربو ضربة قوية لدرجة نيجيري طار وخبط الجبل الوراوهو وهو لسة طاير لي ورا زي لما تتشاكل مع زول ويديك شلوت وتقع علي ضهرك اتخيلو بس 😂 لكن هنا الفرق انو نيجيري مندفع بقوة والشوكير لحقو بي دوامة لهب تالتة وقذفو بيها لحدي ما قطعت الجبل التاني ولسة اثر الضربة مرجعو لي ورا لحدي ما استقر في المحيط وطبعا موية المحيط طفت اللهب وانقذتو من الحريق لانو الدرع لو كان اتضرر بس اقل ضرر لو بسيط كان الدرع بقي ليهو زي حلة الجداد 😹 وبنجض فيهو ويبقي جدادة مخضبة 🤤😋 😹 هنا نيجيري لاول مرة يعرف المعني الحقيقي للكتمة واول مرة ف حياتو يعرف انو ماشي علي الهلاك وبرضو يركب راس ويكون مصر للدرجة دي
"وقعد يقول كلو عشانك يهون وبقي يقول في حبو لميارخ لانو حبها مديهو قوة وثقة عجيبة بنفسو "
حام المغيب بمشرقي دون النوى
وغدا الهيام بصدرها ظمأٌ روى
سدٌ هو بحرٌ هو جمرٌ هو
نجمٌ هويَ ذئبٌ عوى قلبٌ كوى
نورٌ علــيَ نــورٍ إذا أبصرتــه
وظلامُ ليلٍ بدرهُ في نينوى
مذ ذابتِ الأشواقُ جن جنونهُ
والشوقُ يُحرِقُ كلما زاد الهوى
صدع المغيبُ فكيفما شرقت به
عينانِ من نورٍ يُخالُ الشنفريَ
ولقد تمنيتُ الوصآل لَقلبٍــهّآ ولم
يكن التمني مثلما كان الغُويَ
فغدوتُ أسبحُ في فضاها بعدما
أصبحت مبتلياً بداءٍ ليس له دويَ
ملحوظة..
"الابيات دي لشاعر اسمو حسن المصوف في كل اول حرف من الابيات الي باليمين بتلقو كاتب اسمو نزولا"...!
طبعا النيجيري فجاة اصبح شاعر 😹 "خوف بس 😂" فجاة نيجيري اتذكر كلام الجوكر لما قال ليهو العصاية دي فيها مميزات اكتر مما تتوقع ولما تمسكا من الاطراف وتلف كل طرف عكس التاني بتفعل المغناطيسين وعين الذئب ونيجيري اذكر قطعة القزاز الكان طلبا الجوكر القزاز ممكن يعمل عاكس للضو يعني عاكس للطاقة كيف نسيت الحكاية دي فتش العصاية ما لقا فيها القطعة لكن فجأة لقاها في ضهر يدو الشمال عرف انو الجوكر خاتاها هنا مخصوص لسبب اذن مهمة امتصاص الطاقة هي المراية وقال اجربا ممكن عندها مهمة تانية
يلا هنا نيجيري قرر يخوض المجازفة دي ويبدا الهجوم هو لانو خير وسيلة للدفاع هي الهجوم وضرب الارض 4 مرات بسرعة وشغل دوران الجوهرة بكل قوتا القصوي وبعداك يلا برك في الواطاه 😹 وضرب العصاية بقوة في الارض لمن ثبتا في الارض وعلي طول فرد جناحين الدرع وكانت الجناحين المرة دي شي عظيم جدا ومسك العصاية بالاطراف من فوق ومن تحت ولف كل طرف عكس التاني وفعل المغناطيس الاول وكان البجزب الحديد وقلع العصاية بسرعة وطار بيها بكل قوتو تجاه الشوكير لمن كل الجن استغربو والشوكير ابتسم ابتسامة المنتصر وقال الانسي الغبي جاي لموتو والجن بتعاين وحسام يعاين وميارخ تعاين وخايفة وقلبها عايز يقيف من الخوف وقبل ما نيجيري يوصل الشوكير اطلق عليهو برق حاجة رهيبة من الجوهرة ووجه عليهو اول حاجة عين الذئب الخلتو مشلول بالكامل وبعديها حول للمغنطيس الجازب وفجأة الشوكير لقي نفسو بتحرك لا اراديا تجاه نيجيري بسرعة رهيبة وكان مشلول بالكامل لحدي ما ضربو البرق وكهربو كهربا عظيمة وغير المغنطيس للبنفر الحديد وطير منو كل اسلحتو وخلاهو معزول منها تمام 👌 لانو البرق شل حركتو بالكامل ومخو اتوقف عن العمل ويدينو مشلولات فـ تاني ماف ليهو اي طريقة للهجوم وفي لحظة بس نيجيري وصل للشوكير ووجه ليهو شلوت من نوع ابو كديس داك لمن طار فوق في الجو وهو بستفرق ودمو سايح بكمية ولسة وراهو "😹" وبحركة سريعة كان فوق ليهو ووقع ليك في الشوكير فجق زي الفجق اكلو ليك كم بنية كدا وكم جلدا بالعصاية دي وفي الاخير ضربو بالعصاية في نصو وهو بي فوق ليهو والشوكير جاي واقع من ارتفاع عالي جدا علي الارض وماخلاهو بعد دا برضو لحقو ليك بضربة برق اقوي من الاولي باضعاف مضاعفة ودي زادت سرعة وقوعو للارض بقوة شديدة ولمن خبط الارض صوت الوقعة لمن اتردد صداهو في الجبال الجمبهم وعمل حفرة رهيبة في الارض ونزل نيجيري وشغل الجوهرة وغرز العصاية في الارض وخلاها تسحب اي طاقة في ارض المعركة وفعل درعو بالكامل استعدادا لاي هجوم مباغت من الشوكير بس مع الاسف الضربة الاخيرة كانت النهاية لدرجة انها فصلت يد الشوكير اليمني من جسمو ودمرت معاها الجنبة اليمين كلها من جناحو وانتظر نص ساعة كاملة والشوكير ماف منو اي حركة وبكدا الحاكم الضحضاح امر يتفقدو الشوكير ولما اتفقدوهو كان فاقد وعيو بالكامل ويدو اليمين وجناحو مافيشات وبكدا اعلن الضحضاح وبكل فخر انتصار الانسي نجيري علي السفيه الشوكير وكل الجن مصابين بالاستغراب والذهول 😲😲🙄🙁😢 لانو السفيه دا ف حياتو م انهزم وكيف انو انسي واجه سيف الجحيم ونجا منو اي واحد واجه سيف الجحيم مات موتة شنيعة 🙁 وغير كدا فاز علي السفيه الشوكير بشجاعة ليس لها مثيل 🙁 الجماعة ديل كانو محتارين احتيار كبير خلاص فكرموهو وشالو الشوكير عالجوهو وفعلا طوالي ودهو لسجن الزمن بعدما اتعالج وكل اسلحتو اصبحت لنيجيري ونيجيري اهدي اسلحة الشوكير ليارخ ماعدا سيف الجحيم اهداهو لعيقم بس عيقم رفضو وقال انو السيف دا لعنة فاهداهو للضحضاح والضحضاح عجبتو الهدية شديد والجن لاول مرة ف حياتا تحترم العقل البشري وتقدر شجاعتو "سمعتو احترموكم عشان جدكم نيجيري 😹😹😹😹" وفاز نيجيري بالاميرة ميارخ واقامو الاحتفالات ايام وايام وميارخ كانت في اعلي فرحتها وحسام دا ماكان قادر يستوعب حاجة وشايف الكلام دا كلو كانو حلم حلم 😹😹 مسكين انت ياحسام عقلك الصغير لا يتحمل 😹 "فمن افتتن بجمال مثل جمال ميارخ سيفعل المستحيل ليحصل عليه"
يلا حددو الزواج وطبعا عيقم معجب جدا جدا بنيجيري وطريقة تعاملو في المعركة واقتنع بمقولة "ان العقل البشري سلاح ذو حدين اما نهض بك الي المعالي او ردمك لاسفل الحضيض" طبعا دي مقولة اخوكم "الفريد" 🤭 وجا طارخ واعتذر لنيجيري عشان احتقارو ليهو ولبني البشر ووعدو انو ما حيضر انسي تاني ابدا وقال ليهو انو بتشرف يديهو بتو وانو واثق فيهو جدا جدا انو هو البحميها مش هي البتحميهو زي ماكان متوقع وخاتي في بالو
وطبعا الجوكر كان معتز بنفسو كتير انو قدر يصنع سلاح ويهزم بيهو سيف الجحيم الاسطوري الماقدر يصنع زيو من الاساس
تمت بحمد الله احبتي حلقات الجزء الاول لرواية آلََشُُقُُةّّ آلََمًًسِِکْوٌٌنِِةّّ ....... بًًقُُلََمًً آلَکْآتٌبً مًًحًًمًًدٍٍ بًًشُُريََ
اتمني انو تكون الرواية قد نالت علي رضاكم وازحت عنكم الملل وفرقت ليكم شوية وكمان بسعدني لو اديتوني ارائكم فيها عشان بستخدمها في اجزاء اخري وروايات قادمة باذن الله ..!
الي ان نلقاكم في امان الله مع الجزء الثاني للرواية دمتم في حفظ الله ورعايته
اخوكم αℓ-fαяєєɒ Вυsняяα
البوم رواية الجزء الثاني هنا 👇👇👇👇
ليست هناك تعليقات
إرسال تعليق