#آلَشُقُةّ آلَمًسِکْوٌنِةّ«20» الحلقة القبل الاخيرة بعنوان «المبارزة»
بًقُلَمً مًحًمًدٍ بًشُريَ "αℓ-fαяєєɒ Вυsняяα"
الانفجار طبعا كان من الشوكير والشوكير عندو شاكوش🔨 بنفصل من باقي الممسك حقو ولمن يضرب بيهو اي كتلة بتفنجر وبتعمل هزة قوية شديد وتاني بيتجمع زي ماكان والانفجار بيخلي الواحد مافاهم شي واضنينو صانات وطبعا زي ما سمعنا من الجوكر الشوكير سفيه وما بحترم القوانين ابدا عيقم علي طول استجمع قوتو واتحول لهيئتو الحقيقية ومن الغضب برزت قرونو وكانت متوهجة شديد وطوالي قام باستدعاء سيف الامازون وكان سيف رهيب بالمرة فيهو قدرات عجيبة وسيفو دا اخر مرة استعملو كان قبل 500 عام وتاني راكنو وما استعملو حتي الجن افتكروهو خسرو في مبارزة والسيف لما طلع من القصر طوالي الضحضاح عرف انو في مصيبة قد تحصل لانو عيقم دا زمان كان من اشرس اخوانو في القتال وسيفو دا بضربة واحدة كان بقضي علي 100 من الجن مهما كانت قوتهم وممكن يشكلو علي هيئة سجن منيع اقوي المردة والعفاريت ما بقدر مابتصدو ليهو الضحضاح طوالي فرد جتناحينو وتابع السيف والسيف مجرد ما وصل للمكان عيقم شكلو علي شكل سجن ووجهو للشوكير قبل ما يوصل يدو زاتو والشوكير عرف الموضوع لكن في الثواني الاخيرة بس ما قدر يتصرف واتسجن كتمت فيك يا فارة 😁😁 وفي سيف الامازون ميزة كمان انو لو سجنك ومعاك اسلحتك بتتعطل طالما هي موجودة في حوزتك وفعلا الشكوير بقي عايز يستخدم اسلحتو لكن هيهات بقت عبارة عن حديد بس 😂 وقعد يصيح وحاول يتحول لهيأتو ماقدر عشان القفص ضيق وكل ما يلمسو يتلسع لسعات زي البرق فعرف انو ماعندو حل غير انو يقعد هادي زي الشافع 😹 لحظات بس والضحضاح وصل والكل اتجمعو والوكت كان زي الساعة 2 ضهر كدا عيقم طبعا اتمالك اعصابو وما عمل للشوكير حاجة غير انو حبسو 🧐 والضحضاح سأل الشوكير ليه عملت كدا عارفنك ما ملتزم بالقوانين ولا نزيه كمان وهجومك دا دليل علي انك خايف من الانسي دا وفوق كل ده كسر للتعليمات والقوانين انو اي اتنين حيتبارزو ماف واحد فيهم يتهجم علي التاني الا في الميدان وفي زمن المبارزة وعشان عمليتك دي حتحكم عليك المحكمة بي 360 سنة في سجن الزمن 😠 طبعا دا اسم السجن عشان الزمن فيهو بختلف جدا عن الخارح 🌝طوالي الشوكير اتكلم بدون استئذان زاتو هو من الانس كيف تصنعو ليهو سلاح خاص بالجن انا بتحداهو اليوم والان في ميداء المبارزة كان بتكلم وغضبان وخايف ف نفس الوكت لانو بعرف الجوكر الاسطوري وعارف يعني شنو سلاح منو 😠 الضحضاح ردا عليهو المبازرة احنا اصلا حددنا زمنا وانتهي ما بتقدم الزمن علي كيفك انت 😠 نيجيري اتكلم وقال لو ياذن لي الحاكم ممكن اتكلم 🤷♂️ اتفضل اتكلم 😇 الشوكير هجم علي لاسبابو وانا مسامحو فيها وهسي انا قبلت التحدي بي تقديم زمن المبارزة لليوم والان ولو فاز علي تعفيهو من السجن ولو فزتا عليهو تخفض ليهو فترة سجنو من 360 سنة لا سنة واحدة 🤔 الحاكم القرار قراك بس السجن ما بتخفض لانو الشوكير ما عندو احترام لي زول وبتاع فساد 😠 كدا خلاص انتهت الحكاية واتحددت المنافسة وكتمت في نيجيري كتمة قوية 😹😹 شفت ركوب الراس بوديك وين يانيجيري هسي انت للان ما اتدربتا كيف حتواجهو هسي ممكن تقول لي ☹️ بتصرف ان شاء الله خليها علي الله ياحسام اخوي ♥ ميارخ ماعرفت تقول ليهو شنو طبعا بس قالت ليهو الشوكير دا مخادع وما نزيه خليك حزر شديد منو وادتو كيس قالت ليهو اول ما تمشو ميدان المعركة اكشح فيهو الحاجة الموجودة في الكيس دي قبل ما تعمل اي شي وكلهم اتوجهو لميدان العورا عشان تبدا المبارزة ولما وصلو اول شي اتكلم الضحضاح وقال المبارزة حتكون علي الطريقة الادمية يعني ما ححتول يا شوكير ولو خالفت التعليمات حتنتهي المبارزة وافق شوكير لكن ميارخ وعيقم كانو عارفين طبعا انو ماعندو شرف وعادي بيكسر القوانين عشان كدا ادا ميارخ الكيس الادتو لنيجيري والكيس فيهو طبعا كان فيهو رماد وبدت المعركة وسلاح نيجيري كان مثبت ورا ضهرو في الدرع عشان كدا الشوكير ما شافو وكان مفتكر انو يارخ صنع ليهو الدرع بس فقعد يضحك ويقول لنيجيري حتكاتلني بي خردة حديد 😹 ياسلام من هسي بديت احس بي طعم الفوز وشكلي بطحنك طحن وجا جمبو وقال بخلي ميارخ تشوف نهايتك وطوالي نيجيري استغلاها فرصة ورشا فيهو الرماد 😁 الشوكير عرف انو نيجيري ماعايزو يتحول عشان كدا رشاهو بالرماد والضحضاح وكل الموجودين اتعجبو من الحركة دي وشوكير من الغضب بدا الهجوم وطار فوق لي ارتفاع عالي جدا ووجه الشاكوش حقو ناحية نيجيري ونيجيري من مكانو ما اتحرك لانو اتذكر نصيحة الجوكر وكل كلامو لما قال ليهو انو الشوكير واحد سفيه ومغرور وحيستهين بيك انت خليك واثق من نفسك وقوة قلبك وسلاحك دا بهزم 10 من امثال الشوكير واثناء ما الشاكوش حق الشوكير نازل علي نيجيري نيجيري مسك العصاية حقتو وخبط بيها الارض مرتين وبدت الجوهرة تدور وتدور بقوه وطوالي شكلت درع علي شكل دائرة حول نيجيري ولما الشاكوش ضرب الدرع نيجيري رجع ورا مسافة ولسة الشاكوش بضرب فيهو لمن الدرع امتص كل الطاقة الفيهو وحولها للعصاية لمن طلعت نور قوي خلي كل الموجودين يغطو عيونهم وبقي الشاكوش طاير في جمب درع الطاقة بس مافيهو اي طاقة والشوكير جاي هابط بسرعة كبيرة اتجاه نيجيري وماسك سيفو وطوالي نيجيري استغلاها فرصة وضرب الشاكوش برجلو اليمين زي كانو بشوت كورة ووجهو علي الشوكير ومن سوء حظ الشوكير انو استدعي الشاكوش حقو بس طبعا جاي عليهو بسرعه مضاعفة والشاكوش خبط الشوكير في وشو بطريقة قوية لدرجة انو جدعو ليك مسافة بيعدة لمن وصل الكراسي وكسرا ولسة مواصل لحدي ما خبط الجبل 😲 والجن اتعجبو من القوة الهايلة العندي نيجيري دي كيف قدر يعمل كدا ودي قوة شنو دي طبعا كلهم كانو مفتكرنو خلاص في اول دقيقتين حيموت فبقو عاملين كدا 😲😟🤔😢 مذهولين انذهال عجيب وحتي ميارخ وكانت اكتر واحدة خايف وما مصدقة اصلا انو ممكن ينجو منها والشوكير قام عادي بعد كل الطاقة القوية دي الضربتو بس وشو مليان دم وكان مذهول لكن بقي مستمتع وقال اخيرا خصم يستحق اواجه بكل قوتي وفعلا شوكير ما وجه في الضربة دي الا الربع من قوتو وفجأة الشوكير رفع يدو فوق
....... يتبع
ليست هناك تعليقات
إرسال تعليق