آلََشُُقُُةّّ آلََمًًسِِکْوٌٌنِِةّّ«16» «قصر الزمرد»
بًًقُُلََمًً مًًحًًمًًدٍٍ بًًشُُريََ "αℓ-fαяєєɒ Вυsняяα"
اتخيلو هم كم حيكونو وكيف حتكون ضخامتهم وبالنسبة ليهم الواحد منهم ممكن يفتح الباب بيد واحدة زي كانو بهب ليهو ملاية فتحو لينا الباب ودخلنا القصر اول ما دخلنا كان في حارسين شايلين حراب عاملين بيها علامة اكس × كل واحد سحب حربتو وضرب بيها الارض بنهاية الحربة من تحت الاتنين سوا وضم يدو التانية وختاها في صدرو وحني راسو تحية للاميرة ومرينا عادي كانو ما هامينا شي وانا متعجب وحسام يشيل ويعاين للبنات الحلوات ديل وهن بتهامسن وبتضاحكن وهو يشيل ويشاغل فيهن لحدي ما وصلنا ممر كبير كدا بعديهو وصلنا صالة كبيرة كدا ميارخ قالت لينا دي اسما صالة كبار الزوار يعني الناس المهمين 😁 دقيقة اوصف ليكم الصالة دي فيها انارات زي فوانيس رمضان بس من جواها شعلة كانها ما بتنتهي وفيها عواميد من الدهب الخالص وفي سقف الصالة مكتوب بالفضة كتابة واضحة وكبيرة "مملكة النجم الشرقي" تتشرف بحضوركم وفيها طربيزة او بالاصح طاولة كبيرة فيها مايقارب الـ 101 كرسي 50 علي كل جنبة وواحد في المقدمة وكان افخم كرسي الكرسي البراهو دا مع انو باقي الكراسي ما بتقل فخامة منو لكن بيظل هو الكرسي الفريد من نوعو والكراسي ضخمة ياخ وعالية حاولت اطلع ماقدرت يادوب لما ارجع ورا بشوف الكرسي كامل بس لما اقرب ليهو كاني تحت شجرة نخل عالية 🤭 ميارخ قالت لي دي صالة ترحاب الجن تعالو اوريكم الصالة حقت الانس قلتا ليها في انس بيجو هنا قالت لي اي مجتمع محاربي السحرة من الانس ابوي المسؤل منهم مشينا ليها حتي يادوب اخدتا لي نفس فعلا ديل كراسي بشبهونا 😁 وحسام منبهر من المناظر الجميلة دي طبعا🤤 اسرة ميارخ من الجن الهوائي اما والدة ميارخ من الجن الغواص طارخ اتزوجا بعد انتهت الحروبات اقامو صلح ومن ضمن الصلح انو لازم امير واحد من القبيلتين يتزوج باميرة من القبيلة التانية فطارخ اساسا كان بحب سوميرا اللي هي والدة ميارخ وطوالي انتهزها فرصة وعرض انو يتزوجا وادوهو الاميرة ليها واتزوحا وانجب منها 11 .. 7 ماتو في حرب مع قبيلة تانية وديل الاولاد الكبار لي طارخ وحزن عليهم شديد وواحد مات علي يد بني ادم ودا طبعا عارفين قصتو والباقين 3 اللي هما عايشين وميارخ طبعا الوحيدة هي واخوها التوؤام يارخ الماخدين صفات امها وابوها يعني برمائية 😁 وغير كدا هي عندها ميزة انحسار الوقت ودي ميزة انتقلت ليها من جدها لابوها ليها هي بس حتي التوؤم حقها ماعندو الميزة دي لكن وردة ماخدة صفات امها بس🌝 نجي نوصف ليكم طارخ شوية طارخ من الجن العفريت والطيار كمان نسبة لابوهو من العفاريت وعندو قوة هائلة وصفات فريدة من نوعها وهو طموح وذكي جدا وبتعلم بسرعة وما اكبر اخوانو بس ابوه قال انو دا الخليفة حقو من بعدو ومع ذالك عندو حبة حماقة طارخ الاخ التالت من سلسلة اخوان واختين هم اصلا 15 اخ واختين ماحاذكر ليكم اسمائهم كلهم بس بكتفي بالمهمين او بالاصح اللي بارزين من اخوانو في اخوهو البكر واسمو "دعل" اهوج ومابعرف حاجة غير الحروبات والكتل وكانو ملقبنو بالسفاح لما يقود الجيش ما بخسر وما حصل خسر معركة واحدة ف حياتو وفي تاني "عيقم" ودا اعقل واحد فيهم بس ماعندو علاقة بالعرش ورفض رفضا باتا انو ينصبوهو امير سيبك من الخلافة وفي بعديهو طارخ وبعديهو "كراوس" ودا مجنون رسمي وقانوني وملقبنو بالخبيث الماكر ممكن يتحول لاي هيئة واكبر اسلحتو الخداع والتلاعب بالعقل وبستمتع لما يعذب ضحاياهو لانو بخش في عقولهم وبتلاعب بيها ويتحكم بيها ودا الاخطر في اخوانو 👬ديل يلا المأثرين من اخوان طارخ ومن البنات في الاميرة "سلمي" متزوجة من ود عما اسمو "الدامبير" كل البعرفو عنها انها طيبة وبس وفي التانية "ميارخ" اللي سمو عليها الاميرة الصغيرة ودي بتحب زهور الياسمين وعندها قوة في عيونا انو اي شجرة هي شافتا لو يابسة بتزهر ودي اتزوجا الامير البكر "ماروث" اخو سلمي بعد الصراع في الحرب 😇 نجي لابوهم الحاكم اسمو "الضحضاح" من اقوي الجن عموما بس متواضع جدا مابهاب شي ولما تكون في معركة بقود الجيش بنفسو كانو مقاتل ماحاكم عندو ميزات كتيرة ومرعبة حتي العفارين والمردة اللي هما من اقوي انواع الجن بيعملو ليهو الف حساب لانو لو بطش بطشو صعب جدا ومع ذالك كانو ملقبنو "بالبلدوزر" لـ 3 اسباب الاول انو كريم وحكيم والتاني شجاع وقوي والتالت حاكم عادل جدا وما برضي بالظلم نهائي عمرو كبير جدا الصراحة بس ماعارفو كم 🤷♀️ يلا نرجع للرواية
بعد ماشفنا صالة السحرة ميارخ ودتنا غرف من الدهب الخالص وفيها سراير من الفضة افرشتها من الحرير الناعم وارضيتها زجاج ناعم ومطلة علي حديقة من الياسمين مالياها الاشجار من كل مكان ورتنا انو دي كانت حديقة عمتها ميارخ وهي بتحبها جدا🌺 قالت لينا ارتاحو شوية عشان حنقابل جدي بعد ترتاحو وجابت لينا واحدة من الخدم مزززززة كلمة مزة عليها بسيطة ديل الخدم فما بالك بالبيخدموهم حسام بقي متنح وعامل كدا 😘😍☺😍😘😘😳❤❣️💝💕💞😍😘💞 ضيفتنا وعزتنا وقالت لينا لو احتجو اي حاجة رنو الجرس دا وفي ثواني بكون عندكم 😇 قلتا ليها تمام 👌ما تمت دقيقة الا ونسمع ليك بوق بصوت عالي لمن اضنيني وجعوني حسام قال لي خلاص دا بوق الحرب حنموت في بلد الجن واهلنا ما بعرفو عننا اي حاجة 😟......
يتبع...!
ليست هناك تعليقات
إرسال تعليق