آلََشُُقُُةّّ آلََمًًسِِکْوٌٌنِِةّّ«17» «التعارف»
بًًقُُلََمًً مًًحًًمًًدٍٍ بًًشُُريََ "αℓ-fαяєєɒ Вυsняяα"
ما تمت دقيقة الا ونسمع ليك بوق بصوت عالي لمن اضنيني وجعوني حسام قال لي خلاص دا بوق الحرب حنموت في بلد الجن واهلنا ما بعرفو عننا اي حاجة 😟 انا ضحكت طوالي قلتا ليهو خليك متفائل ياخ ماكل حاجة ترعبك خليك صنديد 😹 قام طوالي رن الجرس الخدامة التقول كانت ورا الباب طوالي جات 😁 سالا البوق دا حق حرب ولا شنو بالضبط 🤷♂️ لا لا دا حق الترحيب بسيدي الحاكم الضحضاح كان برة المملكة وهسي وصل 😍 وقامت ادتنا شراب لونو ابيض طاعم اطعم من العسل قالت الاميرة ميارخ رسلتو لينا شربناهو وحتا يادوب حسام اخد نفسو وختاهو وانا اشيل واضحك علي حالتو 😹😹اتاريهو الشراب مخفف للصدمات ومقلل للاهوال ومخفف لضربات القلب 😹 طبعا البني ادم لمن يخاف ضربات قلبو بتزيد بسرعة يلا الشراب دا بخليها عادية وبقلل الخوف زاتو 😹 قعدنا زي 5 دقايق جانا واحد شاب ماشاء الله عليه وجيه ومسيكين كدا قعد اتونس معانا وعرفنا بنفسو انو يارخ توؤم ميارخ طلع ظريف ومضحك ياخ فك لينا الدبرسة الكنا فيها وحكي لينا كتير عن الجن وممالكهم وعن بطولات ابوهو وجدو وعن عمو عيقم وانو بحب عمو وجدو كتير شديد وهو الحفيد المفضل عند جدو وحكي لينا عن قوانين الجن وانو الجن لما يعشقو بعشقو مرة واحدة بس وابدية وانو اختو عشقت نيجيري شديد لدرجة انها حتتخلي عن عالمها لاجلو 😲 وطبعا نيجيري ما كان عارف كدا لمن صلح القعدة حقتو وسألو ليه تتخلي عن عالمها 🤷♂️ لانو الزواج من الانس ما مرفوض عندنا مرحب بيهو بس بشروط وانو في كتيرين متزوجين من الانس لكن بالنسبة للامراء الامر بختلف من العامة الملوك لو عايزين لازم بي مقابل انو يتخلو عن ملكهم والامراء كذالك فاختو وافقت بكدا وحتتخلي عن خاتما 💍 مقابل تتزوجو طبعا كل امير او اميرة عندو خاتم حماية داخل مملكة الجن لكن لو اقترنت بانس حتتضر تتخلي عنو لانها ماحتحتاج ليهو في ارض الانس عشان هناك قوتا بتكون مضاعفا يارخ بحكي ونيجيري مذهول جدا 😟 وطوالي قعد يفكر انها بتحبو قدر دا عشان تتخلي عن عالما بكامل اناقتو وتفاصيلو وكل شي عشانو هو بس..! طبعا كان فرحان وفي نفس الوكت حزنان انها حتفارق عالما بس قال انا بعوضا ومابقصر معاها ان شآء الله 👍 تمت ساعتين وجات الخدامة قالت ليارخ الاجتماع حيبدا وجدك بناديكم يارخ قال لينا يلا ارحكم عشان حتبدا اهلي كلهم وصلو شكلهم اتحركو مشو ودخلو القاعة كانت قاعة صغيرة ما كبيرة وفيها كراسي نفس الكراسي الضخمة ديك لكن مجهزين لينا 3 كراسي لانو ميارخ ما بحجمها الطبيعي لسة بنفس الحجم القاعدين نشوفا بيهو زاتو وكان الموجودين في القاعة الحاكم الضحضاح وعيقم طبعا بما انو "عيقم" اعقل من باقي اخوانو ورافض للعرش ابوهو عينو المستشار حقو ورئيس برلمانو لانو هو واضع القوانين و "دعل" وسلمي اصلا اصلا مستقرة معاهم في نفس القصر هي وزوجها و "ميارخ" وبتها اسما زمردة حليونة ياخ لمن سكرة 😻 اصلا ميارخ جاتهم زيارة يلا قاعدين بيتكلمو كعائلة عادي والضحضاح كان عندو صولجان في يدو اليمين الصولجان دا من الدهب الخالص فيهو ياقوتة حمرا فوق في اعلاهو وسميك مرصع بالجواهر والماس والفضة يعني حاجة كدا مشكلة باختصار كدا الصولجان دا "لو لميت فيها انا الفريد دا مش ببقي غني بس 😂ههههههه دا احتمال من الفرح يجيني التواء في المصران الاعور 😹🤭 " اها خلال الونسة جدي قال لي ميارخ عرفينا باصدقائك 🌝 قالت ليهم دا اسمو حسام ياجدي ودا حبيبي اسمو مازن وانا بحبو وعايزة اتزوحو وابوي رفض 😤 وقام جدها سال مازن قال ليهو انت بتحبها..؟ اااا اي بحبها وعايز اتزوجا 😍 طوالي اتلفت لميارخ عارفة طبعا انتي حتضحي بي شنو لما تتزوجيهو 🙄 اي عارفة ياجدي وما عندي مشكلة وطوالي قامت من الكرسي حقها ورجعت لورا شوية وحجمها زاد لمن بقت اكبر من حجمها البنعرفا بيهو زي حجم اخوها يارخ وظهر في يدها خاتم منقوش فيهو اسمها ثلاثي لحدي جدها الضحضاح وطوالي طلعتو وادتو لجدها في يدو وتاني رجعت لنفس حجمها الجات بيهو معانا واحنا في اندهاش لانها اول مرة تكون بالحجم دا وبالجمال دا ياخ لمن كبرت وحجمها زاد احلوت وبقت جميلة جمال لا يقارن والعجب شعرها نزل حتي الارض 🤹♂️ قالت ليهو ياجدي ابوي رافض الانسي يكون زوجي جدها قال ليها ما مشكلة هسي بناديهو طوالي طلع من مكانهم داك وكان عندو في يدو الصولجان موجود ولما طلع تبعو سيف اسمو عين الشمس لانو لما يضرب بيهو الخصم بولع نار 🔥مبالغة وحرارة السيف بتذيب الحديد وما في واحد بقدر يستخدمو غيرو الا اذا هو اذن ليهو طبعا السيف عندو مكان بختو فيهو لما يكون طالع من القصر بتبعو زي النحلة وما بكون شايلو معاهو لا بكون طاير وراهو وتابعو بس.؛ المهم طلع اخد ليهو زي 20 دقيقة وجا راجع ومجرد ما وصل قعد في الكرسي حقو ورفع الصولجان فوق وخبط بي قعرو الارض خبطتين سريعات ورا بعض لمن اضنينا صنت وطوالي ظهر طارخ بحجمو الاصل زي حجم اخوانو وعندو قرنين وضنب وجسد هائل طبعا هنا في المملكة دي الجن برجعو لاشكالهم الاصليه ما بحتاجو يتنكرو الا لمن يزورهم بني ادم والبني ادم مجرد ما دخل القصر بيدوهو شراب لونو ابيض زي اللبن طاعم لما يشربو بخفض ضربات القلب وببطأ عشان الجن لما يتحول لشكله الحقيقي البني ادم دا ما يموت من هول المنظر وفعلا شربونا ليهو طبعا زي ما عرفتو انتو.....
يتبع... خليكم قراب الحلقات الجاية حتكون مشوقة اكتر ان شاء الله
ليست هناك تعليقات
إرسال تعليق