آلَشُقُةّ آلَمًسِکْوٌنِةّ «3»
آلَحًلَقُةّ ~ «4»
بًقُلَمً مًحًمًدٍ بًشُريَ "αℓ-fαяєєɒ Вυsняяα
ام نيجيري طبعا عرفت قبل ايام من ولادة رونق
خلوني ارجع ليكم بالأحداث حبة عشان تعرفو عرفت كيف والحصل ليها شنو...،>
«fℓαsн вαcĸ» •••!
طبعا كان يوم صعب بالنسبه لي أم نيجيري واصلا كانت شاكة انو رونق دي ما طبيعية وجمالها دا ما جمال بشر فالمهم انو نيجيري وراها وكلمها قبل الولادة بي كم يوم وهي كانت ما بين خايفة ومطمنة وفرحتها بأنها تشوف عيال جناها كانت مطمناها شوية بس في نفس الوكت كانت خايفة من العيال يطلعو شواطين بمعني الكلمة مش شواطين في الجوطة وفكرة انها متعايشة مع واحدة من الجن دي زاتا قربت تفوت ليها بي عقلها 😁😁😁 وحتي كانت بالليل بتقفل أبوابها وتنوم جوة الغرفة حقتا من المغرب وتاني ما بتطلع الا اليوم التاني بعد شروق الشمس 😁 واستمر الموضوع كدا لمدة كم يوم حتي بيت نيجيري ولدها بقت ما بتمشي خوف بس 😁 لحدي ما جاها نيجيري يوم الولاده قبل ما رونق تلدي وقال ليها لازم تجي وتحضر الولادة وتقيف معاها عشان امها ماف وما عندها زول معاها هنا وانو رونق معتبراها زي امها كمان فالمهم هي في النهاية اتقبلت الموضوع لانو ماشافت منها حاجة تخوف
«вαcĸ»•••!
حسام جا داخل في كلام امو وحبوبتو وفتحو معاهو الموضوع واصلا هو ماعندو اعتراض وهو زاتو كان عايز يفاتحهم بس عشان المشكلة الحصلت بينو وبين ريان قال ياجلو الموضوع شوية وما وراهم السبب شنو فقال ليهم انو موافق وما عندو مانع بس يدوهو فترة شوية وان شاء الله الفيهو الخير ربنا يقدمو وأثناء ما بتكلمو جا داخل غضنفر وابوهو سلمو وقعدو اتونسو ودخلوهم كمان في الموضوع حق حسام وكلهم مرحبين بالفكرة
وأثناء ما بتكلمو فجأة حسام تلفونو ضرب كانت من ام ريان طلع برة واتكلم...!
الو حسام ولدي كيفك ان شاء الله بخير 👋 تمام الحمدلله يمة انتي كيفك💖 انا الحمدلله..! ياولدي بس الحقني ريان خطفوها وهسي انا خايفة عليها وقلقانة عليها شديد 😥😭 خلاص يمة اعتبريها معاكي من هسي والمغرب ما بلقاها برة منك ان شاء الله ودا وعد مني ليكي 👌 اي يا ولدي جيبا لي وطمن قلبي الله يطمن قلبك 😍 تسلمي يمة💞 يلا عن اذنك مع السلامه👋 مع السلامه ياولدي 👋 قفل الخط وطوالي قام عايز يطلع..!
غضنفر.. في شنو يا حسام مالك مقلق كدا؟ريان خطفوها ياغضنفر اصلا دي عمايل اهل حسين ماف غيرهم لكن والله ما اخليهم كدي اهدي وفهمني الحاصل شنو بالضبط عشان نقدر نتصرف ونلحق البت دي قبل ما يحصل ليها شي،، كان لمسوها بقطع رقابهم كلهم ..☹️ طيب هدي واحكي لي! حسام حكي لغضنفر الحاصل من بداية المشكلة لنهايتها وحتي حكي ليها تدخل مدثر في الجودية وكلامو ليهم انهم حيندمو وكيف انو كان معترض وحسام بدا يربط في الامور مع بعضها عشان يقدر يعرف العندو مصلحة منو انو يدمر الصلح دا وحيستفيد شنو....؟
طيب قبل نعرف حسام وغضنفر حيعملو شنو خلونا نعرف ريان الحصل ليها شنو...!
ريان بتطلع من المدرسة كالعادة الساعة 2 ضهر طلعت معاها صحبتا اسمها لدن يلا في اتنين شباب كانو متابعنهم الاتنين بي ركشة ولدن وريان جيران بالحيطة ومجرد ما صحبتا دخلت البيت نزلو لي ريان وشالوها وريان كوركت باعلي حسها امييييييي لمن امها طلعت وصحبتها كمان وشافوها والناس شايلنها في الركشة امها جرت وراهم بالجلباب وما لحقتهم والناس دي قاعدة تعاين وبتتفرج بس زول عمل حاجة ماف لحدي ما اختفت من قدامهم والشباب ديل ودوها بيت كدا في منطقة مهجورة وطوالي فكرو يعملو فيها شنو واحد اسمو (كابوس) والتاني اسمو (لغم) يلا لغم دا عايز يغتصبا وكابوس ما عايز كدا لانو البوص قال ليهم كان لمستوها بكتلكم فقعدو يتناقشو وفي النهاية كابوس قال ليهو خلينا نتصل للبوص ونشوف عايز يعمل فيها شنو فقام كابوس اتصل للبوص حقهم اللي هو مدثر
كابوس:. يابوص خطفنا البت وهسي معانا اها نعمل فيها شنو؟
مدثر:. اعملو فيها العايزنو بس ما تموت في يدكم والا بقطع رقابكم سامعين.؟
كابوس:. اي سامعين يا بوص
مدثر:. وجيبو ليها اكل وعصاير خلوها تتسمم لحدي ما اشوف حاتصرف معاها كيف.!
كابوس:.اعتبرو حصل يازعيم
مدثر:. ووري البهيمة التاني المعاك ده قول ليهو البت دي لو ماتت ما بكتلك طوالي كدا بعذبك عذاب ما حصل شفتو ولا في اسوء احلامك
كابوس بي خوفة 😱 :. ححححاضر يابوص
غضنفر بعد تفكير ما جات في بالو الا حكاية مدثر مع انو ما كان حاضر لمن مدثر هددهم بس من خلال كلام حسام ربط الامور وعرف انو دا الزول الواحيد العندو النية انو الصلح ما يدوم وبعداك غضنفر قال ليهو خليني اجي معاك عشان عارف ما بتتمالك اعصابك وحتسوط الدنيا..! وخليني انا اتصرف انت ما تتدخل ابدا يلا فاتو الاتنين طبعا بما انو ريان لابسة الخاتم فحسام قدر يحدد مكانا وبما انو غضنفر ظهرت ليهو قوي غريبة زي ما قلت ليكم فكان اخطر من حسام بس ما شراني زيو
يلا حسام وغضنفر اتحركو عايزين يمشو البيت الفيهو ريان البيت بعيد وغضنفر كان عايز يستعمل قوة الجن لكن بما انو غضنفر معاهو ما خلاهو والزمو بالقوانين وانو لازم يحترما ومدام الخاتم لسة مافيهو اي تفاعل يبقي هي لسة بخير طبعا الخاتم بيتفاعل مع ريان علي طول اذا حاول زول ياذيها ودا بالضبط بعداك الحصل لانو الشباب مشو انسطلو دسيس وحاولو يغتصبوها والخاتم علي طول صعقم ليك كهرباء كدفاع عن صاحبو اللابسو وريان طبعا لسة مخدرة يلا في اللحظة دي طوالي حسام حسا بي تفاعل الخاتم مع ريان وعلي طول اختفا ووصل ليها لقي الشباب الاتنين واقعين علي الارض وريان بين مفتحة ومغمضة لسة اثار المخدر ما فكا منها كامل طوالي بعديهو وصل غضنفر وحسام اخدا ريان اول حاجة ووداها لحبوبتو ميارخ وقال ليها دي كل حياتي يا حبوبة اهتمي بيها زي نفسك وعيالك انا ماشي قريب وجاي واختفي بدون ما يسمع ردها ورجع تاني للشباب ديل وكان عايز يكتلهم بس غضنفر وقف ضدو وفي النهاية اخدهم الاتنين واختفي بيهم وظهر تاني في عالم الجن....
بعدما اختفي حسام طوالي ظهر مدثر وطبعا غضنفر ما بيعرف مدثر ولا مدثر كمان بيعرف انو حسام وغضنفر تيمان بس هو شاف حسام اخر مرة ومتذكرو كويس وبما انو وجه الشبه بين حسام وغضنفر كبيرة شديد فمدثر ختي في بالو طوالي انو دا حسام وطبعا تفكير مدثر للان انتو ما عارفينو الموضوع ما واقف علي حكاية حسين بس الموضوع عداوة قديمة وكبيرة من قبل حتي ما تتزوج رونق ام حسام بي سبب واحد اسمو شمهروش وشمهروش دا امير الشياطين طيب خلونا نرجع بالاحداث لزمن بعيد قبل 500 سنة لما عيقم خاض اخر معركة وبعدها طوالي اعتزل المحاربة علي طول
«•••fℓαsн вαcĸ•••»
طبعا المعروف انو بوابات الجن لعالم الانس 7 بوابات زي ما قلنا في الجزو التاني وفي واحدة من البوابات ديل كانت...
.... يتبع
ليست هناك تعليقات
إرسال تعليق