آلَشُقُةّ آلَمًسِکْوٌنِةّ «3»
آلَحًلَقُةّ ~ «5» معركة شمهرش وعيقم
بًقُلَمً مًحًمًدٍ بًشُريَ "αℓ-fαяєєɒ Вυsняяα
«••• fℓαsн вαcĸ •••»
طبعا المعروف انو بوابات الجن لعالم الانس 7 بوابات زي ما قلنا في الجزو التاني وفي واحدة من البوابات ديل كانت المجوس والمجوس ديل اميرهم اسمو شمهروش وديل من الشياطين وشمهروش دا زعيمهم وقبل اكتر من 500 سنة كانت دايرة بين المجوس وبين الجن حروب تقيلة الضحضاح رسل 10 فوارس فيهم (سوميرا)«.. اتذكرو الاسم دا كويس😀..» والشوكير عشان ياسروهو بس ماف ولا واحد فيهم جا راجع الا الشوكير خليك من ياسروهو والشوكير معركتو انهت تعادل ووكتها شمهروش كان بيحارب بي سيف الجحيم والشوكير يعتبر هو الوحيد الاتنازل مع شمهروش وواجه سيف الجحيم وطلع حي وما مات والفوارس الفاتو لمحاربة شمهروش كانو من افضل الفوارس في وكتهم لحدي ما في النهاية لمن طغيانهم وشرهم زاد اتطوع عيقم بنفسو انو يمشي ويحاربو لانو كان من ضمن الفوارس الفاتو (سوميرا) وكانت قائدة الجيش وكتها واميرة من امراء القصر طبعا اسم سوميرا دا جديد عليكم 😹 دي ام رونق اللي هي الاميرة (ميارخ) زوجة نيجيري وكانت من الفوارس الاعلي شأننا وبرضو كانت عالمة من عوالم الجن ومخترعة كمان وفي النهاية اخترعت حاجة اتسببت في هزيمة شمهروش وكانت اميرة قبل الزواج ووكت ما رجعت مع الفوارس الكل ظنوها ماتت مع الفوارس علي يد شمهروش عشان كدا زوجها فات مع عيقم وكان مع عيقم تاني 6 فوارس وبرضو الشوكير تاني صمم يمشي وركب راسو كان بتاع ركوب راس بس عيقم قال لي الفوارس انا بتتازل مع شمهروش وماف زول يتدخل الا لو انهزمت او مت ولازم اما ناسرو او نقتلو عشان نخلص من شرو للابد ولما وصلو وبدت المعركة ولما خلاص شدت المعركة وشمهروش عرف انو عيقم حيكتلو قال لي عيقم سوميرا حية ولو كتلتني حتموت لانو قوتها كلها عندي وهي سجينة عندي😏 وعيقم وكتها كان شرس شرس جدا في ساحة المعركة بمعني الكلمه فعيقم اتراجع وطوالي استغلاها شمهروش وحاول يطعنو بسيف الجحيم بس لانو درعو قوي ومتين ما قدر يضرو وحاول شمهروش يهرب بس عيقم اتمكن منو وسجنو بالقفص السحري ومش كدا وبس عيقم اتحول لهيأتو كاملة وفجقو ليك جوة القفص فجق لحدي ما اعترف بمكانها عيقم لقاها بس من خباثة شمهروش كان مقيدها بي طريقة سحرية وانو لو هو مات هي كمان حتموت سوميرا كانت في غيبوبة لانو شمهروش وكت نزالو معاها نقل منها كل قوتا ودخلت في غيبوبة وكانت في تابوت زجاجي عيقم لمن شافا لمن اتفاجأ حتي وهي محبوسة كانت هيبة والطريقة الوحيدة عشان ترجع لها كل قوتا انو شمهروش يتقيد ما يتقيد يعني يربطوهو بي حبل 😂 لا يتقيد بي طريقة سحرية وتتختم قوتو انو ما يقدر يطلع من عالم الجن تاني نهائي وما يقدر يستخدم قوتو ابدا وقوتو تكون خامدة كدا فقام عيقم شال جزو من قوتو ختاها في سوميرا وبكدا سوميرا قامت من الغيبوبة وأول حاجة عملتها شالت كل طاقة شمهروش لحدي ما بقت ما عندو الا طاقة بسيطة لكن ماطاقة يقدر يحارب بيها وما عندو طاقة يفتح بيها اي بوابة بس خلت ليهو البسيط عشان يتعايش بيهو بس ما بيقدر يمشي عالم الانس وعشان يتكسر التقيد والختم ده الا يكون بي دم واحد من سلالة سوميرا عشان يكسر التقيد ده طبعا وسوميرا دخلت في غيبوبة للمرة التانية بس المرة دي باختيارها هي وعيقم شال سوميرا بي تابوتها وطبعا سوميرا خلت عيقم يعاهدها انو ماف زول يعرف انها حية ابدا حتي طارخ زوجها حتي لو بعد 1000 سنة ماف زول يعرف ودساها في واحدة من المغارات هي ورتو بيها وكانت مغارة امنة وحارسا ذئب متوحش جدا والذئب دا ماف واحد قدر يروضو الا عيقم بس ولو بتتذكرو الذئب الكان نيجيري شال عينو عشان السلاح لما طلب منو الجوكر داك بس ياهو زاتو الحارس المغارة اها اول ما نيجيري كتل الذئب وشال عينو بقت المغارة بدون اي حارس بس وكتها ماف زول عارف مكانا وطول ال500 سنة دي شمهروش كان بيفتش للمغارة دي وما لقاها ولما لقاها بعد تعب لقي حارسا الذئب ده والذئب طبعا اكبر أعداء الجن والشياطين وعشان يقتلوهو محتاجين لي ساحر ومش اي ساحر ساحر قوي والذئب كان حاجة ضخمة شديد شمهروش حاول كتير يتغلب علي الذئب بس ما قدر يقرب عليهو مسافة اكتر من كيلو متر بس لما سمع انو في معركة في أرض الوراء المعركة اللي كانت بين شوكير ونيجيري طوالي رسل جواسيسو ولما جابو ليهو خبر السلاح حق نيجيري وفي عين الذئب مشي بنفسو واتأكد منو من بعيد وبعد اتأكد طوالي فات المغارة ولما ما لقي الذئب شال التابوب واحتفظ بيهو وحاول كتير يرجع قوتو ما قدر لحدي ما لاقي مدثر طبعا مدثر من أكبر السحرة بعالم الأنس واخطرهم وكل السحرة بيعملو ليهو حساب وكونو يتفق مع شمهروش ما حاجة ساهلة لانو شمهروش لو رجعت ليهو طاقتو مع سحر مدثر الدنيا حتخرب خراب شين فكانت خطتو ان يخطف رونق او اخوها التوأم يارخ اللي هوا (عبدالله) بس ما قدر وقبل ما رونق تتزوج من نيجيري اتخطف من كراوس كان لو بتتذكرو ودا كان كلو بتخطيط من شمهروش لانو وعدو لو ساعدو انو يخليهو يرجع طاقتو حيخليهو يحكم قلعة الزمرد وكل عالم الجن ويبقيهو الإمبراطور وكانت الخطة انهم يخطفو نيجيري ودا يضعف رونق وتقبل تسلم نفسها مقابل تفديهو وبي كدا يقتلها عشان يشيل دمها ويفك بيهو الختم وترجع ليهو قوتو بس حصل عكس ما كان متوقع والمرة دي وضعو خطة انهم يسيطرو علي واحد من عيال رونق وكانو قاصدين حسام اكتر حاجة عشان قوة الجن عندو بارزة ويستفيد من طاقتو عشان كدا مدثر رسل حسين يفتعل المشكلة دي وما كان فارق معاهو كان مات ولا حي اصلا هو شايفو انسان فاشل ومدام موتو بيخدم ليهو مصالحو ما بيفرق لو ضحي بيهو وجات الخطة حقت خطف ريان كمان وبي تخطيط من مدثر كان عشان يخضع بيها حسام بس الحصل انو غضنفر ظهرت ليهو طاقتو وكل خصايص الجن واكتر مما كان خاتي في بالو ودي ضربة بالنسبة ليهم حلوة شديد يعني لو سيطر علي طاقة غضنفر بالإضافة لطاقة شمهروش وسحر مدثر كدا ماف حاجة بتعترض طريقهم تاني حتي الضحضاح وعيقم نفسهم وشمهروش طبعا نهائي ما بيقدر لعيقم خليك من الضحضاح كدا انتو فهمتو الحكاية كلها وعرفتو التخطيط القذر البخطط ليهو مدثر مع شمهروش..!
يلا خلونا نرجع لغضنفر ومدثر ونعرف الحصل معاهم شنو.. ؟
«••• вαcĸ •••»
مدثر طبعا لمن شاف غضنفر هادي وما ابدي اي ردة فعل عرف انو دا ما حسام ودا توأمو غضنفر لانو حسام بطبعو ما هادي ابدا ففكر طوالي انو يقبض عليهو وياهو لقاهو بالساهل والحاجة اللي هو ما بيعرفا انو غضنفر قوتو ماليها حدود لا بعالم الجن ولا بعالم الأنس وفي اقل من دقيقة بس غضنفر قرا افكار مدثر وقبل ما مدثر ينفذ ألفي بالو غضنفر سألو قالو ليهو بتقدر تنفذ ألفي بالك دا والانت هسي مفكر فيهو دا 😏 مدثر سكت وفقع عيونو واختفي من قدام غضنفر وتاني ظهر وراهو وضرب ليك غضنفر بي كهرباء بقوة بس...!
.... يتبع
ليست هناك تعليقات
إرسال تعليق