آلَشُقُةّ آلَمًسِکْوٌنِةّ «3»
آلَحًلَقُةّ ~ «6» اختطاف عبدالله (يارخ) واستشهاد الضحضاح
بًقُلَمً مًحًمًدٍ بًشُريَ "αℓ-fαяєєɒ Вυsняяα
مدثر سكت وفقع عيونو واختفي من قدام غضنفر وتاني ظهر وراهو وضرب ليك غضنفر بي كهرباء بقوة بس غضنفر الصقعة دي ما عملت ليهو اي حاجة وكان بعاين لمدثر بابتسامة وحرك يدو بس 🖐 ومرمط ليك بي مدثر دا الواطاة جامد لمن بقي ما قادر يقوم من الأرض وفجأة كدا حسام ظهر وغضنفر اتلفت عليهو وانتباهو اتشتت ومدثر استغلاها فرصة وهرب وكان خايف خوف الوسخ لانو اول مرة تلاقيهو قوة غريبة زي دي بقي يقول في نفسو الزول دا من الجن ولا من السحرة ولا شنو بالضبط... ؟
غضنفر قال لحسام انو لازم يرجعو عالم الجن ويتصرف بسرعة لانو حتحصل كارثة كبيرة وما حيقدر يحكي ليهو هسي الا بعد يوصلو عشان يستعجلو والاتنين رجعو عالم الجن وطوالي غضنفر بما انو بيقرا الافكار فعرف خطة مدثر وعرف هو وشمهروش بيخططو لشنو وطبعا عيقم بيأرخ ويكتب كل حاجة حصلت في عالم الجن لانو كان كمان مسؤل عن تاريخ الجن ومهنتو انو يأرخو وبما انو غضنفر زول بيهوي القراية والاطلاع فقرا عن عمايل شمهروش زمان وحفظ التاريخ كامل فلما رجع طوالي كلم عيقم وحتي وراهو انو هم متحفظين علي جسم حبوبتو سوميرا ومحتاجين دم من سلالتها عشان يرجعو القوة حقت شمهروش وانو لازم يتصرفو والا مدثر وشمهروش ناوين نية شينة خلاص طوالي عيقم بلغ الحاكم الضحضاح ووراهو بالحاصل وحتي طارخ عرف انو زوجتو حية والحاكم اجتمع بكل وزراؤو وباقصي سرعة امر باستعداد كامل للجيش وتامين المملكة كاملة وامر بالبحث عن شمهروش واثناء الاجتماع وقبل ما يحصل اي اجراء حصلت هزة قوية بعديها علي طول حصلت انفجارات ضخمة وكتيرة في كل مكان في المملكة والانفجار الاخير كان جمب مكان الاجتماع زاتو والمكان بقي من كترت الغبار ألفيهو الناس ما بتشوف اي شي وفجأة ظهرت صاقعة ضربت كل الموجودين ولحقا تاني انفجار لمن الناس صنت من طنين الأضنين وبعديهو لمن الطنين فكا من الموجودين بقو ما فاهمين اي حاجة وكانو من ضمن الموجودين عيقم وغضنفر وحسام وابو التوؤام وكل الوزراء لكن بعد الناس صحصحت واطمنو علي بعض حتي يادوب فقدو عبدالله اللي هوا (يارخ) توؤم رونق (ميارخ) طبعا الحصل انو مدثر هاجم المملكة وهو اصلا زارع جواسيس فكان مخطط لكل شي وكان عايز يقبض علي حسام بس ظهور غضنفر دا جاط ليهو الشغلة وطوالي اتحول للخطة البديلة اللي هي يخطف ولد سوميرا وبالفعل نجح في كدا الخطة البديلة كانت انو يهجم علي القصر بس كيف ما كان متأكد ولمن جواسيسو كلموهو بالاجتماع وانو الحاكم امر بي استعداد كامل للجيش فيلا طوالي استغلا الفرصة بسرعة وقبل ما الاستنفار يحصل وهجم بكل قوتو وخطف يارخ لمن الحاكم عرف انو حفيدو اتخطف سأل عيقم بتقدر تحدد مكانو عيقم قال ليهو مع الأسف خاتمو موجود هنا في القصر طبعا مدثر قلع الخاتم من يارخ عشان ما يقدرو يحددو مكانو وطوالي الحاكم امر بالبحث عنو بدون ما يشتبكو معاهو لانو شمهروش لو استعاد قوتو بيكون خطر شديد فاطوع عيقم ولأول مرة من معركتو مع شمهروش قبل 530 سنة يلبس لامة الحرب ويشهر سيفو وقال انو هو ندو وانو حيفتشو وطلعو معاهو حسام وغضنفر وحتي رونق اخت يارخ كمان جات وحسام كان شايل أسلحة ابوهو وغضنفر طلع بدون بدون اي أسلحة بس لابس الخاتم حقو طبعا غضنفر صنع لنفسو خاتم واستخدمو لمن هاجمو مدثر وطلعو في مهمه البحث عيقم قال اول حاجة يمشو اخر مكان كانت مختومة فيهو قوة شمهروش اللي مغارة الذئب وسموها كدا عشان كان حارسا الذئب الضخم داك وما كان في جني بيقدر يقرب ليها مهما كانت قوتو الا عيقم ودخلو المغارة دي المهم لما فاتو هناك اتفاجأو بي شمهروش ومدثر والتابوت ألفيهو سوميرا وكمان يارخ موجود بس كان مقيدينو بي حبل سحري الحبل دا بيمنع اي جني انو يتحول وبفقدو كل قوتو طالما هو مربوط بيهو ومدثر اخد دم كان من يارخ وبدأ يرجع في قوة شمهروش ولمن ناس عيقم وصلو المغارة كانت نص قوتو رجعت ليهو وشمهروش اول ماشاف عيقم علي طول فكا فيهو هالة حقت قوة كبيرة شديد وقوية لدرجة حتي درعو ما قدر يتصدا ليها ضربت عيقم دا وطلعتو برة المغارة ومعاهو حسام ورونق وابوها كمان والوحيد النجا من الهالة دي غضنفر وبكدا بتقدرو تحددو قوة غضنفر كيف ومدثر اتوماتيكيا اول ما شاف غضنفر بلع ريقو واتلفت علي شمهروش وعلي طول مسك يد شمهروش واختفي طوالي ومع الانفجار حق الهالة دا سوميرا قامت من الغيبوبة حقتا وشافت ولدا مربوط وعينا وقعت علي غضنفر ولد بتها وطبعا مابتعرف بس متذكرة ولدها كويس وطوالي هجمت عليهو بس غضنفر اتصدي ليها وكان اسرع منها وهنا تاني رجعت رونق وعلي طول صرخت امييييييي وكل الموجودين اتلفتو ليها وجو لحقوها وطوالي وقفت واتلفتت علي بتها بحيرة وشافت باقي الناس بس مخها مشوش شديد دي داخلة في غيبوبة صناعية لمدة 560 سنة فطوالي وقعت واغمي عليها وعلي طول رونق شالتا وعيقم قال ليها توديها لدكتورة ميارخ وفكو عبدالله وكان مرهق شديد وقال ليهم شمهروش ومدثر ناوين يسيطرو علي قلعة الزمرد عشان البوابة الرئيسية وهسي رجعو البوابة حقتهم الكان قلعتها منهم يا عمي احسن ترجعو القلعة وتحموها عشان شمهروش لو استعاد قوتو كلها حيبقي ماف زول بيقدر عليهو تاني حتي انت لانو كمان كل قوتي كمان شالا وحاول يشيل باقي قوة امي كمان بس انتو جيتو قبل ما يسيطر علي قوتا طوالي كلهم أتراجعو وراجعين في الطريق عبدالله مشي مع اختو يودو امو لدكتورة ميارخ والجماعة رجعو القصر باقصي سرعة واول ما وصلو غضنفر قال ليهم اول حاجة حيعملا شمهروش انو حيمشي للجوكر عشان يصنع ليهو سلاح لانو لمن كان بدون طاقة الجوكر ماكان حيقدر يصنع ليهو اي سلاح فهسي الحل الوحيد نحشد كامل الجيش استعداد تام لاي هجوم مباغت منهم وغضنفر اقترح انو هو يمشي مقر الدكتورة ميارخ عشان يحمي حبوبتو والمكان هناك عشان مدثر حيحاول تاني يجي لي سوميرا طمعا في قوتها فهو اكيد ما بالغباء ده عشان يهاجم القصر بي نص قوتو الضحضاح قال ليهو سوق معاك حسام اخوك وعيقم كمان بس طلع عيقم معوق ضربت شمهروش دي جرحتو جرحة كبيرة ونقلوهو لحوض الشفاء وشفاهو حياخد وكت وبكدا المملكة فيها اتنين من فرسانها ناقصين غضنفر قال لي جدو انتو محتاجين لكل الفرسان هنا انا براي بقدر اتصدي ليهم ياجدي ماتنسي انو قوتي بتتضاعف مع كل نزال واني بقدر اتحكم في اي سلاح مهما كان الضحضاح قال ليهو معاك حق الأهم البوابة هنا لازم نفديها بدمنا خلاص انت اتوكل علي الله وامشي وبالتوفيق ان شاء الله ياولدي غضنفر فات براهو واول ما وصل قصر الطبيبة قلعة الزمرد اتعرضت لهجوم تقيل استشهد فيهو الحاكم الضحضاح وولدو طارخ ابو رونق وكمان اتصاب فيهو حسام برضو ونص الفرسان كمان استشهدوا وكانت كارثة بمعني الكلمة بس ما قدرو بعدا يسيطرو علي القلعة لانو شمهروش اتصاب كمان بعد معركة دامت 5 ساعات بينو وبين الضحضاح بس في الاخير مدثر غدر الحاكم الضحضاح أثناء معركتو مع شمهروش واستشهد لكن بي شرف وهو مدافع عن مملكتو بكل صمود وبعد ما طعن شمهروش بس الطعنة جات بعيدة
.... يتبع
ليست هناك تعليقات
إرسال تعليق