آلَشُقُةّ آلَمًسِکْوٌنِةّ«3»
آلَحًلَقُةّ ~ «7» الاخيرة الإنتصار الكبير
بًقُلَمً مًحًمًدٍ بًشُريَ "αℓ-fαяєєɒ Вυsняяα
بس في الاخير مدثر غدر بالحاكم الضحضاح أثناء معركتو مع شمهروش واستشهد الحاكم الضحضاح ومعاهو ولدو طارخ كمان لكن بي شرف وهو مدافع عن مملكتو بكل صمود بس بعد ما طعن شمهروش بس الطعنة جات بعيدة من قلبو بي 5 سنتيمتر وطوالي مدثر قطع رقبة الحاكم الضحضاح ورفعا فوق لكل الجنود وشمهروش صرخ صرخة مدوية لمن سمعوها في قلعة الطبيبة ميارخ وسيطر علي قلعة الزمرد وأسر باقي الفرسان ومنهم حسام كمان وكل اولاد الحاكم الضحضاح الذكور استشهدو الفاضل عيقم بس وشمهروش علي طول وقع من الطعنة ومدثر اول حاجة عملا عالج شمهروش بي سحرو علي طول عشان يقدر يرجع طاقتو كاملة.! وبعد موت الحاكم الضحضاح مدثر وشمهروش عاثو فساد شديد وفتحو البوابات بين العالمين وحصلت كوارث كبيرة ومجارز مابسيطة وبما انو عيقم جريح فقررت الطبيبة ميارخ انو ماف زول يهاجم وكل القوة تدافع عن قصرها هنا حفاظا علي حياة عيقم وسوميرا لحدي ما يقومو بالسلامة لأنو عيقم الوحيد البيقدر يواجهو وسوميرا عشان عندها نص قوة شمهروش ومرت 20 يوم علي استلام مدثر وشمهروش للسلطة والخراب السببوهو والدمار العملوهو ما حصل قبل كدا ابدا بس نهائي ما قدرو يوصلو مقر الطبيبه ميارخ مهما حاولو عشان الدرع الكونو غضنفر كان قوي شديد طبعا مدثر وشمهروش سلبو قوة حسام لأنهم كانو فاكرنو غضنفر وحسام سكت اصلو ما اتكلم ولا قال ليهم شي وعذبوهو عذاب شديد بس برضو ما مات لحدي ما في يوم الحراس نسو باب الزنزانة فاتح بعد جابو ليهو الاكل وهرب ومشي لحبوبتو ميارخ بس كان خلاص منتهي رسمي وطوالي دخلوهو غرفة الشفاء وفي الوكت داك عيقم استعاد قوتو وسوميرا رجعت من غيبوبتها تاني وحسام دخوهو غرفة الشفاء وبما انو سوميرا عندها نص قوة شمهروش فكانت قوتها حاجة عجيبة واتلمت مع عيالها تاني بس فقدت زوجها كمان فكان الحزن الفيها مكفي جبال وعيقم وميارخ وغضنفر وحسام ورونق بالرغم من حزنهم علي الحاكم الضحضاح بس ماكانو مفكرين في حاجة غير انهم يرجعو المملكة دا كل همهم بس واستعدو..! وعيقم وميارخ وسوميرا طورو خاتم بوحد القوة بين عيقم وسوميرا وغضنفر ولو واحد فيهم حصلت ليهو اي حاجة القوة علي طول بتتحول للتاني ولو التاني حصلت ليهو اي حاجة بتمشي للتالت ولو التالت كمان حصلت ليهو اي حاجه بتمشي تلقائيا لحسام اختاروهو من بين كل الناس عشان هو الوحيد فيهم اللي لمن يغضب بطلق العنان لكل قوتو ولكن ختوهو كخطة احتياطية واخيرة بعد الفشل عشان هو حاليا زاتو في حوض الشفاء عيقم بما انو مفكر فخطط تخطيط مقفل وختا لاي خطوة رد فعل وخلي غضنفر يواجه مدثر عشان هو الوحيد البقدر ليهو بطبيعتو البشرية فقال الأفضل انو يحارب النار بالنار وخلي سوميرا مع حسام وامرها ما تتحرك نهائي من مكانها فبقو الحيخوضو المعركة غضنفر وعيقم وعبدالله ولد سوميرا توم رونق لانو سوميرا نقلت ليهو كل قوتها واحتفظت بي باقي طاقة شمهروش عشان كدا عيقم أمرها بأنها ما تطلع من قصر الطبيبة وطبعا غضنفر حصن المكان وماف اي زول عدو ولا غريب بيقدر يدخلو كان نطط 😂 وطبعا شمهروش الجوكر صنع ليهو سيف اسمو سيف الصاعقة لانو كان لما بيضرب بيضرب صواعق في كل مكان وكان حاجة مرعبة شديد اما سيف عيقم فكان سيف الجحيم لو بتتذكروهو في الأصل سيف الجحيم كان لشمهروش ولما عيقم هزمو بقي السيف ملك لعيقم وعيقم اهداهو للشوكير وقلعو منو نيجيري في المعركة الكانت بينهم واهداهو للحاكم الضحضاح والضحضاح اهداهو للشوكير لمن ولدو كراوس اتمرد ولمن استشهد الشوكير السيف رجع تاني لسيادة الضحضاح وهسي لمن استشهد الضحضاح السيف بالوراثة بيمشي للولد الأكبر من عيالو وعيقم اكبر الاولاد الموجودين واخر اولادو الذكور فجاتو أحقية السيف مع انو رفضو لمن نيجيري قدمو ليهو هدية وقال انو السيف دا لعنه وطلعو فاتو طبعا المعركة كانت في جبل العورا واتقابلو الجبلان عيقم وشمهروش من جديد ومدثر وغضنفر وكانت معركة العصر معركة حصل فيها أي شي يخطر علي بالكم ضرب وفجق زي الفجق 😂😂 واتواجهو عيقم وشمهروش عيقم قال لشمهروش واجه سيفك واستمرت المعركة بين عيقم وشمهروش 3 ساعات وفي نفس الوكت كانو بيتواجهو مدثر وغضنفر ومواجهة مدثر وغضنفر انتهت بغضنفر قطع رقبة مدثر ما حنذكر ليكم فيها حاجة عشان الجاي احلي 😂 اما مواجهة عيقم وشمهروش شمهروش اتصاب فيها بس الإصابة ماكانت قوية واستعاد توازنو وحاول يضرب عيقم بسيفو بس عيقم اتصدي ليهو وحصل انفجار ضخم ماشاف عالم الجن ليهو مثيل ابدا انتهي بشمهروش كمان قطع رقبة عيقم 😢 وبقت المواجهة بين غضنفر وشمهروش وقبل ما تبدأ المواجهة شمهروش صاح فيهم وقال ليهم ماعندكم فارس حقيقي يا ذرية الخزي والعار حاولت رونق تقوم بس غضنفر وقفا وقام هو وحاولت تمنعو ومسكتو من قميصو بس لمن اتلفت عليها كانت عيونو محمرة شديد لمن هي زاتا خافت وفكتو وكانت اول مرة في حياتا تشوفو كدة وقال ليها انا راجل وود راجل وحفيد راجل وابن راجل وذريتي ما ذرية عار وحاثبت ليكم الكلام دا هسي وعلي طول اتحول لهيأتو وقال لشمهروش انا سليل الحاكم الضحضاح وانا الفارس غضنفر ابن نيجيري الانسي وانا خصمك ومقاتلك وبدت المعركة وشمهروش بدا الهجوم بي سيف الصاقعة وغضنفر ثابت مكان واحد وسيف الصاقعة ما اثر فيهو وضرباتو كانت ضعيفه بالنسبة لغضنفر لحدي ماغضنفر قال ليهو ماكفاية لعب وواجهني بقوتك كلها 😂 شمهروش وكتها فرح وقال ليهو انا كنت فاكرك ما حتصمد أصلاً 5 دقايق لكن طلعت ماهين واتحول شمهروش لهيئة مخيفة شديد واستعمل سيف الجحيم وهنا غضنفر كون درع حوله وبدا بيصد الهجوم وبرضو ضربات سيف الجحيم ماعملت حاجه للدرع وشمهروش طبعا واحد ما عندو زمة ولا رحمة فقام كون كور من نار بسيف الجحيم ووجها علي الموجودين وطبعا الموجودين ما عندهم القدرة لي انو يتصدو لسيف الجحيم فقام غضنفر اختفي وظهر قدام الهجوم واتصدي ليهو بس اتضرر منو في كتفو الشمال وهنا شمهروش انبسط بانو الجولة الاولى طلعت لي صالحو وغضنفر اتصاب وفجاة غضنفر طلع منو نور ابيض قوي لمن شمهروش زاتو جهرو ولمن اختفي النور غضنفر كان حجمو زاد بي طريقة رهيبة حتي شمهروش وكل الموجودين زاتهم استغربو ورفع يدو فوق وفجاة ظهر الصولجان حق ابوهو وقفل يدو وفتحا وظهر الخاتم الكان وحدو بيهو القوة علي اصبعو ومجرد ما ظهر الصولجان الدرع اتكون علي طول ولسة غضنفر ما اتحول لحدي الان بيقاتل بي هيئتو الاساسية شمهروش قال ليهو ما عايز تقاتلني بي طاقتك الكاملة..! غضنفر قال ليهو ما بتستحقها لانك بي سيف الجحيم ده ما بتقدرتهزمني وانت حتي الان ماقادر تستخدم طاقة سيف الجحيم كاملة عشان كدة حأقول ليك مابتستحق حتي نص طاقتي وصدقني بي ربع طاقتي بس بهزمك بيهو وحاليا انا بحاربك بي 10 ٪ بس من طاقتي الكاملة لكن انت كاتلني بي كل ما عندك من طاقة
طبعا شمهروش اتخلع واحتار كيف انو سيف الجحيم لسة عندو طاقة وهو ما قادر يستعملا
قام رد ليهو غضنفر قال ليهو لو عايز طاقة السيف تكون كاملة لازم تحس انك والسيف حاجه واحده والسيف بكون تحت امرك وطاقتو بتتفجر والصراحة انا زاتي عايز اشوف طاقة السيف الكاملة كيف هي عشان احس اني نازلت واحد يستحق لقب امير الشياطين وسيف الجحيم
طبعا شمهروش مغتر بنفسو اغترار شديد وقال لي غضنفر انا شمهروش امير الشياطين وحاهزمك قريب جدا وبلحقك جدودك الضحضاح وعيقم وبمحي عيلة الخزي دي كلها
غضنفر قال ليهو طيب نبدا معركتنا ولا حنقضيها ونسة 😂 وبدت المعركة من تاني وشمهروش ماقدر يعمل اي شي لغضنفر فقام مسك السيف وقال فيهو تعزيمة وفجاة السيف اتوهج شديد لمن بقي أحمر شديد
طار فوق لارتفاع عالي جدا ونزل هاجم علي شمهروش وكان بدون اي سيف وكتها شمهروش كان مغتر بي نفسو شديد وأثناء ما غضنفر نازل عليهو من السماء في الهجوم شمهروش استعد ومترقبو فجأة اختفي غضنفر لمن شمهروش زاتو ارتبك ورخي دفاعو وفجأة جاتو ليك ضربة قوية في ضهرو غضنفر ضربو بنية لمن كسر ليهو ضلعتين وطيرو ليك هناك بعيد لمن اتدردق في الأرض ولمن وقف لقي غضنفر تاني في وشو ضربو في حنكو طيرو فوق وتأني ظهر ليهو فوق في الجو وضربو وطيرو فوق زيادة لحدي ما وصل الغلاف الخارجي وبدت هناك المعركة الحاسمة استمرت 7 ساعات بين الطرفين كل واحد بيضرب التاني وبما انو المعركة فوق للسحب فكانت ميزة حلوة شديد لشمهروش لانو سيفو بتفاعل مع السحب وبيطلق الصواعق بس الماكان عارفا شمهروش انو غضنفر مع كل ضربة بضربها ليهو شمهروش كانت قوتو بتزيد لحدي اتكونت في يدو طاقة كبيرة شديد وعلي طول فكاها فيهو وقال ليهو اتصدي لي دي لو بتقدر وتأني بسرعة حك يدينو مع بعض بسرعة كبيرة وظهر لي شمهروش بعد الطاقة ضربتو وضغط بي يدينو علي شمهروش في جنبات راسو بقوة لحدي ما سيح ليهو قرونو الاتنين ومسكو من رقبتو وجا نازل بيهو وهو ضاغط عليهو من ارتفاع 5500 كيلومتر وقبل ما يوصل الارض ضربو بقوة شديدة ولمن وصل الأرض انقطعت رجلو اليمين وغضنفر رفع يدو فوق وهو في الجو واستدعي العصاية حقت ابوهو لو بتتذكروها وامتصت كل الطاقة الكانت في عيقم وحتي طاقة مدثر زاتو وطاقة كل الموجودين بما فيهم امو ووجه بيها ضربة برق قوية وهو طاير فوق لشمهروش وتأني رفع يدو فوق واستدعي سيف الجحيم ودمج قوتو بي سيف الجحيم وجا نازل بيهو للارض وفصل بيهو راس شمهروش من جسدو بدون ما يفهم اي شي 😂😂 لحدي ما انشق الجبل وطوالي سحب كل قوتو وخزنها في العصاية وبكدا انتهي عهد الشر واتدمر شمهروش ومدثر للأبد والرحمة للشهداء فداء عالم الجن وفرسان مملكة الزمرد...! انتو كمان أدعو ليهم بالرحمة والمغفرة 😢 وتمت اعادة بناء وتعمير المملكة واترقي غضنفر باجماع الكل وبقي الحاكم العام لكل عالم الجن واستقر في عالم الجن وعمل حديقة كبيرة كرم الشهداء فيها وبني فيها تماثيل لكل الشهداء بما فيهم الشوكير كمان وتمثال كبير لجدو الضحضاح وفي خلال حكمو بسط الأمن والأمان والاستقرار والسلام وعلي عهدو الاستمر 36 سنة كان التعايش السلمي حاصل بين العالمين واتزوج واحدة من الجن وكانت أميرة من أمراء الجن وحسام اتزوج كمان ريان وجاب منها عبد الرحمن وعبد الرحيم تيمان وامجد ورونق ومازن وغضنفر سمي علي اخوهو برضو وغضنفر برضو جابو ليهو 7 اولاد و 5 بنات ماشاءالله تبارك الله واساميهم بالترتيب الضحضاح والوزاع وعبدالله ورونق ومحمد ومحمود تيمان وإيمان وأيمن كمان تيمان وأماني وشهد ووردة وأصغر ولد ليهو اسمو مجدي وخلفو في الحكم من بعدو ولدو البكر الأمير الضحضاح وكان صغير في السن بس حكيم واستمر الأمن والأمان والاستقرار وحكم كمان الضحضاح الصغير فترة 65 سنة وطور في فترة حكمو التكنلوجيا واهتم بالمبدعين وعمل العجايب الماعملها غيرو حتي صار محبوب شديد في شعبو وكان احكم حاكم حكم عالم الجن بلا منازع وفي فترة حكمو ساد الهدوء والعدل والخير كتر في البلاد..... النهاية
تمت بحمد الله احبتي حلقات الجزء الثالث لرواية الشقة المسكونة الي ان القاكم في الجزء الرابع والاخير او في رواية اخري لكم مني عاطر التحايا والسلام محبكم واخوكم الفريد....!
ليست هناك تعليقات
إرسال تعليق