خيانة زوجة «3»

 

خيانة زوجه «3»

بقلم سلوى اسماعيل 

جا يوم العرس وعماد مبسوووط ارسل لي في الرسايل واتصل وغايتو كنت بمشيهه في النهايه قفلت تلفوني وقلت ليه الكوفيره قالت اقفل التلفون برضو كان بتصل لرغد ورغد معاي بسمع في صوتو ولا اشتغلت بيه😥..

رغد قعدت جمبي يانهله مالك مامبسوطه ولا عليك فرحة عروس عايني الحب ماساهل يتنسي لكن ممكن تتخطيه اذا انتي عايزي تتخطيه ..

ولما ربنا اداك فرصه جديده تعيشي مع زول احسن عيشيها وماتفكري كتير وانسي جو الزعل ده واتبسطي👏😍

قلت كلاما صاح انا امشي بالمبدأ ده ..

وفعلا فرفشتا شويه واتصلت لعماد فرح بي اتصالي ده فرح 

شاغلتو شويه واتونست معاهو وبعد شويه جا ساقني

الحفله كلها انا كل مااتزكر محمود بقرب ااابكي يا الله بمسك نفسي ..

جات لحظة امشي من ناس اني بعد الجرتق 😥

بكييييييييييت مع امي وابوي بكا لمن انا ماعارفه زاااتو ببكي على شنو 😭💔💣

غايتو طلعنا ومشيت بيتي ..

قضيت كم يوم زيي زي اي عروس ..

مانقصت عماد ولا حاجه من واجبو لكن صدقووني روحي بتطلع الف مره وانا بساير فيه وبمثل اني بحبو 

انا عارفه انو كان ممكن ارفض عماد عشان مااظلمو لكن

حتى رفضتو ح اتزوج غيرو ومحمود مستحيييل اتزوجو 

لانو هو لاعب بي وماعايزني لكن قلبي اعمل ليهو شنو 

رجعت البيت للاربعين وماصدقت قفلت تلفوني وقلت اىتاح شويه اخدت ١٣ يوم دي انا في اهلي ..

بعديها عماد قال لي ح نسافر 

اتحمست لانو جو جديد وبلد جديده وقال ح يقريني الجامعه هناك ..

اتبسطت وماطولنا زي شهر وسافرنا ..

وهناك في السعوديه اول شي عمرنا 

ودخلنا الرياض لانو كنا هناك ح نسكن 

سجل لي في الجامعه وماطولت اسبوعين ونزلت

لقيت حاجه تملا لي وقتي 😍

وشبه نسيت محمود .. 

بقيت برجع البيت لحكي لعماد الحصل معاي بالتفصيل وهو بحكي لي مواضيع شغلو 😍

انيجمنا مع بعض في الفتره دي ..

وعلاقتنا بقت حلوه شديييييد ..

وظهر لي حمل مشاعري كانت ملخبطه بين مبسوطه ومامبسوطه ..

غايتو فترة الوحم كانت صعبه لكن عماد كان فاهم انو دي هرمونات ..

بطلع لخلي لي الشقه لما يلقاني مارايقه 

متين مااتصل ليهو بجي

اجر الشقه التحت لينا ..

لا كل لا مل مني لمن مرات بحاسب نفسي 

بطلعا غلطانه لكن برجع اعاملو كعب تاني 😥💔

يتبع....

صلو على النبي محمداً ❤