خيانة زوجة «4»

خيانة زوجه «4»

بقلم سلوى اسماعيل 

بعد فترة الحمل انتهت جبت بت حلاتا ماشاءالله ...

وملت علي الدنيا السعاده 😍

بقبت ولا بزهج ولا بتضايق بس مع بتي وبعامل ابوها

حلو شديييد وقايمه بكل واجباتو وهو زاااتو مبسوط

بسمعو بمدح فيني لامو واخواتوو😍

بالتلفون بعمل نفسي ماسامعه ..😂

اها بعد بتي بقت تتعلم الحبيان انا وعماد بنحبي معاها 

ونلعب معاها في الأرض 😂👏

بعد مشت خلاص نحن زاتو بقينا نمشي زيها ..

المهم بتي دي ملت حياتي فرح وخلتني اضوق طعم الحياة 

اها الروقه مابتدوم ..

عماد شغلو بقى كعب والاوضاع اتدهورت قلت ليهو خلاص رجعنا السودان وهناك هو اصلا باني لينا 😍

بيت من طابقين ومعفشو والمطابخ اتنين جاهزين😍

قال ح ينتقلو اهلو تحت 

واحنا فوق .. 

اها نزلنا السودان انا وبتي ونسابتي الهم جيرانا باعو عفشم لانو البيت جاهز وجينا سكنا سوا 

اخدنا فترة حولت للجامعه لانو هناك ما قدرت اكمل مع الولاده ..

نزلت الجامعه ودرست فيها سنتين وكنت خريجه 

اجتهدت شديييد عشان اتخرج بامتياز واخد شهادتي واشتغل بيها

اها في اخر سمستر لي لاقيت اتين من اولاد شلتنا الزمان ..

سلمت عليهم وسالوني عن احوالي 

قلت ليهم عندي بت وخريجه 😍👏

اتونسو معاي ومشو ..

بعديها بي يومين لاقيت محمود جا داير اسلم علي عملت روحي ماشايفاهو 

بعد شويه فتح الباب ونزلت منو مرا عسسيل بس ماشاءالله 

ماعارفه ليييه بس زعلت زعل مباالغه😥

وواضح علي طبعا💔

نزلت ومشو على الحسابات ويضحكو ضحك مبااالغه 

ويتونسو ومحمود ولا اشتغل بي اصلا ..😥

اليوم داك كلووو مافهمت ليهو شي ..

معقول انا بعد اتزوجت كل الناس بتقول لي زدتي حلاوة ..

ليه محمود ماشايفني حلوة ؟؟؟

والمعاهو دي منووو ؟؟؟

وليييه متحننه يكون اتزوج ياربي😥💔

تاني قلت اجي يابت مايتزوج كان اتزوج ماانتي اتزوجتي وهدا عندك بت بقت عليهو وبعدين دي حالتو عمرو ماشافني حلوه ولا كعبه ..

ومن هنا بدت القصه ...

يتبع...

صلو على النبي محمداً ❤