خيانة زوجة «5»

خيانة زوجه «5»

بقلم سلوى اسماعيل 

انا في البيت قافله معاي جات بتي قالت لي جعانه رصعتها كف بعد عينا ضوت😡 ده وقت تجوع فيهو ..

جات رغد اخت عمار زوجي اكلتا وعااااينت فيني وطلعت ..

شالتا حممتا ونيمتا ..

جاتني نهله انتي الليله مالك ؟؟؟

قلت لبها مامالي شي مصدعه ومضايقه 😡

قالت لي مضايقه من شنو احكي لي انا اختك لو احتجتيني بساعدك ☺..

قلت ليها لاا شكرا ماعندي مشكله شوفي شغلتك 😏

قالت لي لاقيتي محمود 🙄

ماعارفه ليه انفصمت فيها 😥

يازووووله بلا محمود بلا جن احمر 😡 ويعني شنو اذا لاقيتو ماهو اتزوج وانا اتزوجت وتفتكري اصلا انا بعاين لي واحد رمه زي ده😡

قالت لي كويس انك عرفتي بي زواجو ومرتو دي قااااهره اتزوجتو غصبا عنو بعد هددتو تفضحو وكل الجامعه عرفت بي كده😏..

المهم انتي احفظي نفسك وبيتك انتي في عصمة راجل ..

قلت ليها شايفاني عملت شي 

قالت لي مامعروف الزمن كعب ..

طلعت وخلتني انا بقيت مهجومه ياربي هل انا ممكن اعمل شي جد ؟ وله هي ليه قالت لي كده ..

بعدين انا زمان ليه ماعملت في محمود زي زوجتو دي كنت هسي باعوج بي عديل معاهو 😥..

غايتو بكييييت ومشيت على بتي اتزكرت دقتا بدون سبب يحليلاا بتكون زعلانه ..

سلمت عليها صحت باستني ورجعت نامت ..

اتأسفت اسف وحلفت مااخلط الإمور ..

وبتي ماادخلا في الحاصل معاي طفله مابتستاهل ..

تاني يوم رجعت الجامعه وبدون احس بفتش على محمود 

وفعلا لقيتو مع مرتو قاعدين هادييين وبتونسو بس قصدت اسلم عليهم .. واشوف ردة فعلها ..

سلمت عليها اول وقلت ليهو محمووووود اخبارك🙄

سلم علي وقال لي ماشاءالله بقيتي تقيله 😂😂😂

مرتو حمرت ليهو شدييييد ورجعت عاينت لي من فوق لي تحت قلت ليها ماتستغربي حبيبتي كنا دفعه ..

قالت لي ماحكى لي عنك 🙂

زعلت من كلمتا دي وطوالي مشيت ..

يتبع..

صلوا على النبي محمداً ❤