خيانة زوجة «7»

خيانة زوجه «7»

بقلم سلوى اسماعيل 

وقفني محمود .. نهله يانهله عليك الله دقيقه وقفت .. قلت ليهو نعم اتفضل🙄

قال لي عايني عندي موضوع عايز احكي معاك فيهو ضروري ممكن رقم تلفونك .. قلت ليهو الفك قطر وماف بيني وبينك أي مواضيع فاهم😡

قال لي ارجووووكي الموضوع مهم جدا ..

قلت ليهو لااا ومشيت .. 

نهاية اليوم تاني لاقيتو قال لي نهله اديني التلفون قبل افتش ليهو بي طريقتي 🙄 قلت ليهو مادام بتقدر تجيبو 

مضيع زمنك معاي ماااالك ؟؟؟!

مشيت خليتو انا كنت آخر فرحه لاني مخلياهو اجري وراي 

زي ماكنت زمان جاريه وراهو ومالامه فيهو 😥

رجعت البيت وماكان عندي نفس اتكلم مع عماد .. اتصل كتيييير مااشتغلت بيهو نمت

لمن صحيت لقيت رغد في راسي يابت مالك ميته 😳

قلت ليها انتي مالك خليني انا ..

قالت لي عماد اتصل وكان قلقان عليكم قال اتصل كتير مارديتي عليهو وداير يطمن عليكم ..

قلت ليها ياهو التلفون صامت لكن برجع ليه

لكن مارجعت ليهو ولا اشتغلت بالموضوع اخدت لي قريب اسبوعين مابرد على مكالمات ولا شغاله بي عماد والجامعه مامشيت .. 

يوم المساء جاتني رساله واتس مكتوب فيها (بيبي صباح الخير)

رديت في نفس اللحظه اولا اسمو مساء تاني شي انت منو ؟؟

قال لي انا زول بفتش ليك ليه زمن وعاشقك من زمان ❤

انا طوالي قلت بس ده محمود عاينت للرقم لقيتي سوداني 

قلت ليهو انا زوله متزوجه .. بلوك🙄

طبعا قلت يمكن غير محمود مااوقع نفسي ..

حظرتو اتصل مكالمه شتو مرتين تاني اتصل رديت ومن صوتو عرفتو محمود قلت ليه خيييير عايز شنو قال لي انتي

وبقى يتغزل فيني وقال لي بقيتي حلوه وانا بحبك وانا واانا ..

قلت ليهو انت كذاب وانا متزوجه وانت متزوج ..😡

وتاني ماتتصل لي فصلت فيهو تاني اتصل حرفيا اليوم داك اتصل اكتر من ١٠٠ اتصال في النهايه قال لي نبقى اصحاب 🙄.. قلت ليهو كويس ..

استمرينا ٣ شهور اصحاب بتي وعماد بقيت ماشغاله بيهم بس اتصل اتونس مع محمود وانوم ..

رجعت احبو تاني 😥.. وهو المره دي مهتمي بي ..

اكلتي شنو شربتي شنو ونمت متين ..

كنت بتمنى الاهتمام ده من زماااان ..💔

وعماد بقى مابتصل زاتو وحالاتو في الفيس والواتس كلها عن الجروح وعن الاهمال لكن ماعارفه بقيت ماقادره امثل عليهو اكتر 😥

قلت بس اشوف لي مشكله واطلق منو لاني مرتاحه مع محمود..

يتبع..

صلوا على النبي محمداً ❤