خيانة زوجة «8»

خيانة زوجه «8»

بقلم سلوى اسماعيل

بقيت كل يوم مشكله مع عماد وبدون اي سبب واضح 😥

انا زاتي ماعارفه ليييه بعمل كده بس ماقادره اتحمل اي كلمه من عماد ..

بعد شهر عماد قال جايي من السعوديه وانا خلااااص اموري جاطت وبقيت ماعارفه اعمل شنو تلفوني كلو محمود محمود محمود ويومي كده وحياتي كلها بقت كده٠٠💣🔥

اعمل شنو بس ..

وكلام الناس مابقصرو راجلك جايي اتحبسي وراجلك جاي اعملي غايتو كرهوني عيشتي ..

في النهايه قلت الحبسه لي روحي مالي زول تاني ..

وظبطت لوني وصحتي وشعري 😍

تحلف تقول عروووس بس

ومنها وبكره عماد جايي كلمت محمود وقفلت تلفوني ولميتو في دولاب بتي في غرفتا والهدايا واي حاجه جايبا لي محمود

لمبتا ف غرفت بتي 🖤

وقلتي لي ناس البيت تلفوني مالقيتو وعملت هيلماااانه وقومه وقعده😉..

عماد ده ولا صدق لمن جا وشافني واستغبلتو زي الترتيب 

وعدينا يومين حلوين 

وبعدها بقيت دايره مشكله بس وماعارفه اعمل شنو 😥

ومحمود بقيت مقطوعه منو ومتوتره وفاقداهو 

ياربي حاصل عليهو شنو 😥

غايتو قعدت اسبوع كأني قاعده في النار ٠٠😥

المهم بعد الاسبوع ده قلت لعماد انا ماشه اهلي اتونس يومين تلاته ..

مشيت غرفة بتي وشلت تلفوني وملابس بتي ومشيت 

واول حاجه عملتها عماد كان بتونس مع اهلي بره 

وانا دخلت الحمام اتصلت لمحمود واعترفت ليهو اني فقدتو واشتقت ليهو😥

وهو نفس الشي لمن داير يبكي وقال انو عايز يلاقيني 

بس انا رفضت رفضا باتا وكان قصدي من رفضي اني اشوقو لي اكتر طبعا ..

وهو بقى يحنس فيني ويحنس في النهايه قلت ليهو 

خلاص بفكر ..

عماد طلع وامي قالت لي يابت جنيتي بتقعدي سنه في الحمام 😡

قلت ليها اااي عندي مغص ..

يتبع..

صلوا على النبي محمداً ❤